Akabokisi K’ebibuuzo

◼ Kihikire okuta endagiriro yaitu eya e-mail aha bitabo ebi turikugaba?

Barikukoresa sitampu nari barikubamba aha bitabo akapapura akariho endagiriro yaabo eya e-mail, ababuurizi abamwe bataire endagiriro yaabo ahari zaamagaziini nari ahari zaaturakiti ezi barikugabira abantu. Omu muringo ogwo, abu barikuha ebitabo ebyo nibabaasa kuhandiikira ababuurizi ababibahaire okwenda kumanya ebirikukiraho. Abarikuteeraho kuhwera abantu omu muringo ogu nibaba baine ekigyendererwa kirungi. Kwonka, endagiriro y’ekibiina ey’ahari Intaneeti neyorekwa enyima ahari zaamagaziini n’ahari zaaturakiti. N’ahabw’ekyo, ti kirungi omuntu okuta endagiriro ye eya e-mail aha bitabo ebi turikugaba.

Yaaba omubuurizi aha abantu b’omu kicweka eki arikubuuriramu endagiriro ye aha rupapura orwa hangahari, okukira munonga yaagarukayo kutaayaayira aboorekire ngu nibenda kumanya ebirikukiraho, ekyo n’ekye kwecweramu. Tushemereire kugarukayo kureeba abo abarikworeka ngu nibenda kumanya ebirikukiraho omu mwanya gw’okubarekyera endagiriro zaitu kugira ngu baaba nibenda kumanya ebirikukiraho batuhandiikire. Nitubaasa kworeka gye ngu nitufa aha muntu buzima twaba nitugamba nawe maisho na maisho.