Ebirango

◼ Ebitabo ebi turaagabe omuri Maaci: Eki Baibuli Erikwegyesa, kandi teeraho kugira abu waatandika kwegyesa Baibuli. Apuri na Mei: Watchtower na Awake! Waagarukira abo abaayorekire ngu nibenda kumanya ebirikukiraho, otaireho n’abo abaraije aha Kiijutsyo nari abo abarikwija omu nteerane ezimwe, teeraho kugaba akatabo Eki Baibuli Erikwegyesa, oine ekigyendererwa ky’okutandika kubashomesa Baibuli. Gyuni: Is There a Creator Who Cares About You? nari The Secret of Family Happiness. Noobaasa n’okugaba akatabo Okumanya.

◼ Ebibiina bishemereire kuha ab’eishe-emwe Watchtower na Awake! ensya zaaheza kuhika omu kibiina. Eki nikiija kubaasisa ababuurizi kwetegyereza ebizirimu batakatandikire kuzigaba.

◼ Orikwebembera akakiiko k’abareeberezi nari ondiijo muntu ou atooraine, ashemereire kushwijuma ebitabo by’empiiha z’ekibiina eby’okwezi kwa Desemba, Jenwari hamwe na Febwari. Eki kyaheza kukorwa, kishemereire kurangwa omu kibiina, ripoota y’eby’empiiha z’ekibiina eraakurateho yaaheza kushomwa.​—Reeba Instructions for Congregation Accounting (S-27).

◼ Omuhandiiki wa buri kibiina ekirikukoresa Ekyombeko ky’Obukama ashemereire kuhamya ngu obushuuru bw’ekyombeko ky’obukama obwa buri mwaka bushashwirwe, ei barikubushaba. Nyabura ’mwe, muteereho kureeba ngu ofiisi yaatungaho kopi y’amabaruha aga.