Oburemeezi Oburikuhitsya Aha Matsiko
‘Omu biro by’aha mperu, nihaija kubaho ebiro by’akabi kaingi.’—2 TIMOSEO 3:1.
ORAHURIIREHO nari orareebire kimwe aha bintu ebi?
● Endwara y’akabi eitsire abantu baingi.
● Enjara y’amaani ereeteire abantu baingi kufa.
● Omutsitsa ogwitsire abantu baingi abandi bakaguma bataine buraaro.
Aha mpapura ezirikukurataho, nooza kureeba obuhame oburikukwata aha bintu ebi. Noija n’okureeba ngu Baibuli ekagamba aha mbeera ezi ngu niziija kubaho omu bwire oburikwetwa ‘ebiro by’emperu.’a
Kwonka ekigyendererwa ky’ebicweka ebi, tikukworeka ngu nitutuura omu nsi erimu oburemeezi. Ahakuba n’obwereebera. Kureka, nibiza kukuha amatsiko. Nibiza kworeka ngu okuhikiirira kw’obunabi mukaaga obu nikyoreka ngu ‘ebiro by’emperu’ biri haihi kuhendera. Ebicweka ebi nibiza n’okworeka ebi abantu barikukira kuhakanisa aha buhame oburikureebwa butunu, kandi bituhe n’enshonga nungi kutuhamiza ngu omu maisho hariyo ebirungi.
[Obugambo obw’Ahansi]
a Kubaasa kumanya ahabw’enki Ruhanga naareka ebintu bibi kubaho, reeba ekicweka “Ahabw’enki Ruhanga Naareka Ebintu Bibi n’Okubonabona Kubaho?” aha rupapura 16 na 17 orwa magaziini egi.