Oku orikubaasa kugasirwa gye omu mushomo gwa Baibuli ogu
Tunga okumurikirwa, orikubanza kuzaana VIDIYO.
EBIRIKUBANZA
Kubaasa kutebeekanisa buri ishomo, shoma ebirikubanza. Ebibuuzo eby’enyuguta zikwatsire (A) n’ebyahandiikirwe (B) ebirikuhamiiriza enshonga enkuru. Yetegyereze ngu ebyahandiikirwe ebimwe biriho ekigambo “shoma.”
EBY’AHA GATI
Enshonga y’okubanza (C) ahansi y’omutwe Shwijuma Gye neeshoboorora ebirikukurataho. Emitwe Emikye (D) neeyoreka eby’okugaaniiraho. Waaba ori n’orikukwegyesa, shoma ebyahandiikirwe, garukamu ebibuuzo, reeba na vidiyo zoona.
VIDIYO nizongyesereza aha bihandiikire omu kitabo eki. Vidiyo ezimwe nizooreka abantu benyini n’ebyabaireho. Ezindi nizooreka ekirikukira kubaho, kwonka abantu tibo benyini abu kyahikireho.
Shwijuma ebishushani n’ebigambo ebirikubishoboorora (E), kandi teekateeka oku oraagarukyemu enshonga, Abamwe Nibagira Ngu (F).
EBY’AHA MUHERU
Omu Bugufu n’Okweijutsya (G) ebi n’ebirikuhendera eishomo. Handiika ebiro obu eishomo ryahendera. Ekigyendererwa (H) n’eki orikuba oine kukoraho. Jumbura Ebindi (I) n’ebi orikubaasa kucwamu kushoma nari kureeba.
Oku orikubaasa kusherura Ebyahandiikirwe
Baibuli erimu ebitabo 66. Ebaganisiibwemu ebicweka bibiri: Ebyahandiikirwe eby’Oruheburaayo n’Oruramaika (“Endagaano Enkuru”) n’Ebyahandiikirwe eby’Orugriika (“Endagaano Ensya”).
Ekyahandiikirwe, nikitandika n’eiziina ry’ekitabo kya Baibuli (A), hakurataho eshuura (B), hazaho omushororongo nari emishororongo (C).
Nk’eky’okureeberaho, Yohaana 17:3 nikimanyisa ekitabo kya Yohaana, eshuura 17, omushororongo 3.