“Obukama Bwawe Bwije”

Yehova akaraganisa ati: ‘Tiharigaruka kubaho okurira, obusaasi, endwara, n’okufa. Ndyaragaza amarira goona aha maisho gaabo. Byona ebibi eby’enyima tibiriijukwa.’

Yehova akata Adamu na Haawa omu musiri Edeni kutuura omu busingye n’okushemererwa. Bakaba baine kuramya Ishebo ow’omu iguru kandi bakaijuza ensi n’abaana baabo. Adamu na Haawa bakagomera Yehova, kwonka ekigyendererwa kye tikirahindukire. Omu kitabo eki tureebire ngu ebi Ruhanga arikuraganisa nibihikiirira. Obukama bwe nibwija kureeta emigisha mingi omu nsi, nk’oku yaaraganiise Abrahamu.

Juba, Sitaane, baadaimoni be, n’abantu boona ababi nibaija kuba batakiriho. Buri omwe oraabe ariho naija kuramya Yehova. Tituraije kurwara nari kufa. Omu mwanya gw’ekyo, buri izooba nitwija kuba nitwimuka twine amaani kandi tushemereirwe. Ensi neija kuba paradiso. Buri omwe naija kugira eby’okurya birungi n’eka eine oburinzi. Abantu nibaija kugira embabazi batari nshaarizi. Enyamaishwa z’omu kishaka tiziritiina bantu, kandi naitwe titurizitiina.

Nihaija kubaho okushemererwa kwingi Yehova ku araatandike kuzoora abantu. Nitwija kwakiira abantu aba ira, nka Abeeli, Noa, Abrahamu, Saara, Musa, Ruusi, Esteeri, na Daudi. Nibaija kwejumba naitwe omu kuhindura ensi paradiso. Butoosha haryaba hariho emirimo mirungi y’okukora.

Yehova naayenda ngu naiwe obe omu Paradiso. Noija kumumanya omu miringo ei otakateekateekahoga. Buri izooba ka tuteereho kuguma nitwirira haihi Yehova, hati n’ebiro byona.