Noija Kukora Ebi Yehova Akunda?

Nitukusiima ahabw’okushwijuma ebiri omu katabo aka okeega ebirikukwata aha Bajurizi ba Yehova, okamanya ebirikukwata aha murimo gwaitu n’oku ekibiina kyaitu kitebeekanisiibwe. Twine amatsiko ngu kakuhwereire kumanya ngu niitwe turikukora ebi Yehova akunda obunaku obu. Nitukuhiga kugumizamu nooyega ebirikukwata ahari Ruhanga, kugambira banywani baawe n’abandi omu ka yaanyu aha bi orikwega, n’okuguma nooza omu nteerane zaitu.—Abaheburaayo 10:23-25.

Ku oraagume nooyega ebirikukwata ahari Yehova, noija kweyongyera kumanya ngu naakukunda munonga. Eki nikiija kukuhiga kukora kyona ekirikubaasika kworeka ngu naiwe noomukunda. (1 Yohaana 4:8-10, 19) Kwonka shi noobaasa kukyoreka ota butoosha ngu nookunda Ruhanga? Ahabw’enki okworobera emitindo ye erikukwata aha mitwarize kirikukugasira? Kandi niki ekiraakuhwere kutwegaitaho omu kukora ebi Ruhanga akunda? Orikukwegyesa Baibuli naija kukuhwera kutunga eby’okugarukamu kugira ngu iwe n’ab’omu ka yaanyu “mwerindire omu kukunda kwa Ruhanga, . . . okurikubahitsya omu magara agatahwaho.”—Yuda 21.

Nitukuhiga kugumizamu kumanya amazima, orikwega akatabo aka ahaifo.