Ekicweka 7

Yesu Akaba ari Oha?

Twaba nitwenda kushemeza Yehova, haine ondiijo ou twine kuhurikiza. Ira Yehova atakahangire Adamu, akabanza kuhanga maraika w’amaani omu iguru.

Bwanyima, Yehova akabaasisa maraika ogwo kuzaarwa nk’omwana, arikuzaarwa omwishiki oshugaine Mariamu omuri Betelehemu. Omwana ogwo akeetwa Yesu.​—Yohaana 6:38.

Yesu obu yaabaire ari omu nsi, akooreka gye emitwarize ya Ruhanga. Akaba aine embabazi, rukundo kandi abantu barikurahukirwa kumwijaho. Akaba ayegyesa abantu amazima agarikukwata ahari Yehova atarikutiina.

Yehova akatuma Yesu omu nsi. 1 Yohaana 4:9

Abeebembezi b’ediini bakanga Yesu ahakuba akaba asheeshuura enyegyesa zaabo zigwire n’emitwarize yaabo mibi.

Yesu kandi akakiza abarwaire yaazoora n’abafu.

Abeebembezi b’ediini bakabeihabeiha Abarooma ngu bateere Yesu bamwite.

Yesu akakora ebirungi kwonka abantu baamwanga. 1 Petero 2:21-24

Ahabw’enki ni kikuru okumanya ebirikukwata ahari Yesu?​—Yohaana 17:3.

Yesu akakora murimo ki omu iguru atakaizire omu nsi?​—Abakolosai 1:15-17.