Abazigu ba Ruhanga ni Baahi?

Omuzigu wa Ruhanga omukuru ni Sitaani omubeihi. Uwe n’ekihangwa eky’omwoyo owajemeire Yehova. Sitaani nakigumizamu kurwanisa Ruhanga kandi nareetera abantu emirabanamu y’amaani. Sitaani ni mubi. Mubeihi kandi omwitsi.—Yohaana 8:44.

Ebihangwa eby’omwoyo ebindi bikagyenda na Sitaani omu kujeemera Ruhanga. Baiburi nebeeta ba daimoni. Nk’oku Sitaani ari, ba daimoni nabazigu b’abantu. Nibakunda kushaasa abantu. (Matayo 9:32, 33; 12:22) Yehova aryahwerekyereza Sitaani na ba daimoni ebiro byona. Bakisigaizeyo akanya kakye k’okurabanisamu ensi.—Okushuuruurwa 12:12.

Wayenda ngu obe munywani wa Ruhanga n’oragirwa okutakora ebi Sitaani arikwenda okore. Sitaani na badaimoni nibanga Yehova. Nabazigu ba Ruhanga, kandi nibenda bakuhindure omuzigu wa Ruhanga. N’oragirwa kutoorana nooha ou ori kwenda kushemeza—Sitaani nari Yehova. Ku orabe noyenda amagara agatahwaho noragirwa kutooranaho okukora ebi Ruhanga akunda. Sitaani aine oburingo bwingi n’emihanda mingi y’okuhabisizamu abantu. Abantu baingi naababihabiha.—Okushuuruurwa 12:9.