“Musamade Nkhawa”

M’nthawi ya Aisiraeli Yehova ankathandiza anthu osauka. Kodi masiku ano iye amathandiza bwanji atumiki ake omwe ndi osauka?

• Amawaphunzitsa kuti azikhala ndi maganizo oyenera pa nkhani ya ndalama.​—Lu 12:15; 1Ti 6:​6-8

• Wawathandiza kuti azidziona moyenera. ​—Yob 34:19

• Wawaphunzitsa kuti azigwira ntchito mwakhama komanso kupewa zizolowezi zoipa.​—Miy 14:23; 20:1; 2Ak 7:1

• Wawabweretsa m’banja la Akhristu omwe amasonyezana chikondi.​—Yoh 13:35; 1Yo 3:​17, 18

• Wawapatsa chiyembekezo.​—Sl 9:18; Yes 65:​21-23

Sitiyenera kuda nkhawa ngakhale tikumane ndi mavuto otani. (Yes 30:15) Tikapitiriza kufunafuna Ufumu choyamba, Yehova adzatithandiza kupeza zinthu zofunika pa moyo.​—Mt 6:​31-33.

ONERANI VIDIYO YAKUTI CHIKONDI CHANU CHISATHE NGAKHALE KUTI . . . MUKUVUTIKA NDI UMPHAWI​—CONGO, NDIPO KENAKO YANKHANI MAFUNSO OTSATIRAWA:

• 

  Kodi abale omwe amakhala pafupi ndi malo a msonkhano anasonyeza bwanji chikondi polandira abale ndi alongo amene anachokera m’madera akutali?

• 

  Kodi vidiyoyi yatiphunzitsa chiyani zokhudza chikondi cha Yehova kwa anthu osauka?

• 

  Kodi tingatsanzire bwanji Yehova ngakhale titakhala ndi zinthu zochepa?