Sefela sa Difela
3 “Bošego ge ke be ke robetše,
Ke ile ka tsoma moratiwa wa ka.
Ka mo tsoma, eupša ka se mo hwetše.
Ke mo tsomile, eupša ka se mo hwetše.
3 Bahlapetši bao ba bego ba dikologa motse ba ile ba mpona.
Ka ba botšiša ka re: ‘Ga se la bona moratiwa wa ka?’
4 Ge ke se no ba feta,
Ke moka ke hwetša moratiwa wa ka,
Ka mo kakatlela gomme ka se mo tlogele
Go fihla ke mo iša ntlong ya mma,
Ka phaphošing ya ka gare ya yena yo a bego a nkimile.
5 Lena barwedi ba Jerusalema, ke le eniša ka
Diphala tše ditshadi le ka dikgama tše ditshadi tša nageng,
Gore le se ke la leka go tsoša goba go phafoša lerato la ka go fihlela le itlela.”
6 “Ke’ng selo se seo se tšwago lešokeng seo se swanago le muši,
Seo se tšhetšwego senkgišabose sa mira le diorelo,
Le mohuta o mongwe le o mongwe wa dinkgišabose tša lerojana tša morekiši?”
7 “Bonang! Ke sofa ya Solomone.
E dikologilwe ke banna ba 60 ba matla,
Banna ba matla ba Isiraele,
8 Ka moka ga bona ba swere ditšhoša.
Ka moka ga bona ba tlwaeleditšwe ntwa.
Yo mongwe le yo mongwe o hlomile tšhoša lethekeng la gagwe,
Gore a itšhireletše dikotsing tša bošego.”
10 Diphilara tša yona o di dirile ka silifera.
Dilo tša go e thekga o di dirile ka gauta.
Sedulo sa yona ke sa boya bja mmala o mophepolo.
Barwedi ba Jerusalema
Ba be ba e kgabišitše gabotse ka mo gare.”
11 “Lena barwedi ba Tsione,
Etšwang le boneng Kgoši Solomone
O apere kgare yeo mmagwe a mo diretšego yona
Letšatšing la lenyalo la gagwe
Le letšatšing la ge pelo ya gagwe e be e thabile.”