Psalme

O ikapešitše seriti.

Jehofa o apere matla

Gomme a mo dikologile bjalo ka lepanta.

Lefase le tiišitšwe

Gomme ga go yo a ka le šikinyago.

 2 Pušo* ya gago e theilwe gomme ya tiišwa go tloga kgale,

Ga e sa le o le gona go tloga kgale.

 3 Wena Jehofa, dinoka di elela ka lebelo,

Dinoka di a elela e bile di dira modumo,

Dinoka di tšwela pele di elela le go baka modumo o mogolo.

 4 Eupša wena Jehofa o yo mogolo kudu magodimong,

E bile o yo matla go feta modumo wa meetse a mantšhi,

O yo matla kudu go feta maphoto a matla a lewatle.