Jobo

7 “Motho wa nama le madi o gapeletšega go šoma ka thata bophelo bja gagwe ka moka,

Le gona na matšatši a gagwe ga a swane le a motho yo a hirilwego?

 2 O duma moriti go swana le lekgoba,

Le gona o letetše gore a patelwe go swana le motho yo a hirilwego.

 3 Ka gona ke feditše dikgwedi tše dintšhi ke se na mohola,

E bile ke feditše mašego a mantšhi ke hlakahlakane.

 5 Mmele wa ka o nyeuma diboko e bile dišo tša ka di tletše mobu,

Letlalo la ka le tletše dišo tša go palega e bile di tšwa boladu.

 6 Matšatši a ka a bophelo a kitima ka lebelo la mmutla,

A fela ke itlhobogile.

 7 Wena Modimo gopola gore bophelo bja ka ke bjo bokopana,*

Le gore nka se tsoge ka thaba gape.*

 8 Motho yo a mponago gona bjale a ka se sa mpona gape,

O tla nnyaka, eupša ke tla ba ke se gona.

 9 Yo a theogelago lebitleng a ka se sa boa,

Go no swana le ge leru le apoga gomme le hwelela.

10 A ka se sa boela ntlong ya gagwe,

E bile batho ba mo a dulago ba tlo mo lebala.

Ke tla bolela pelo ya ka e ekwa bohloko,

E bile ke tla balabala ke šulafaletšwe!

12 Na ke nna lewatle goba sephedi se segologolo sa ka lewatleng,

Moo o ka mpeelago motho yo a ka ntetago?

13 Ge ke re: ‘Mpete wa ka o tla nkhomotša,

Wa nthuša go fokotša tše di nkimelago,’

14 Wena o ntšhoša ka ditoro ge ke re ke ya le boroko,

E bile o mpontšha dipono tša go tšhoša.

15 Go kaone gore ke bolawe ke sekhutamoya,

Ruri ke kgetha go hwa go e na le gore ke phele ka tsela ye.

17 Motho wa nama le madi ke eng,

Moo o bilego o bontšha gore o na le taba le yena e bile o mo šetša,

18 Go reng o dula o mo lekola letšatši le lengwe le lengwe,

E bile o mo leka motsotso o mongwe le o mongwe?

19 Modimo wa ka go reng o dula o ntebeletše,

O sa mphe le nako ya go hema?

21 Go reng o sa ntebalele

Wa tshediša diphošo tša ka mahlo?

Kgauswinyane ke tlo hwa gomme ka boela mobung,

O tlo nnyaka, eupša o ka se nkhwetše.”