Yesayesani Kuŵafwika Pamtima Omvwishila

Miyambo 3:1

MALIZU ACIDULE: Yavyani omvwishila kuti akwanishe kumvwisha zamulaŵila nocita zaaphunzila.

MWAMUNGACITILE:

• Yavyani omvwishila kuzifufuza. Konshani makonsho amene angayavye omvwishila kuzifufuza.

• Ayavyeni kunkhala na zolinga ziweme. Limbikishani omvwishila kuziŵa cifukwa cake ofunika kucita zinthu ziweme. Ayavyeni kukulisha cikondi pa zinthu ziweme monga, kukonda Yehova, ŵanthu ayakine koma soti zinthu zakuphunzila m’Baibolo. Ayavyeni kuona kufunika koseŵenzesha nzelu za m’Baibolo koma osaŵakakamizhya. M’malo moŵamvwisha nsoni, ayavyeni omvwishila kumvwa kuti alimbikishiwa kucita zaangakwanishe kuti apitilizhye kucita zinthu ziweme.

• Twalani ulemelelo kwa Yehova. Fotokozani mwamene ziphunziso, mfundo za m’Baibolo na malamulo a Mulungu zuoneshela minkhalidwe yake na cikondi cake kuli seo. Limbikishani omvwishila kucita cifunilo ca Mulungu koma soti kufuna kumukondwelesha.