Kulaŵila Zomvwika ku Ŵanthu

1 Akorinto 14:9

MALIZU ACIDULE: Yavyani omvwishila kumvwisha tanthauzo ya zinthu zamulaŵila.

MWAMUNGACITILE:

• Konzekelani luweme nkhani yanu. Mufunika kuimvwisha luweme nkhani yanu kuti mukakwanishe kuifotokoza m’malizu ŵanu-ŵanu.

• Seŵenzeshani masentensi afupi-afupi koma soti malizu osavuta kumvwa. Olo kuti zili luweme kuseŵenzesha masentensi atali-atali, kuti mumvwikishe mfundo yofunika ngako mufunika kuseŵenzesha masentensi afupi-afupi na malizu osavuta kumvwa.

• Fotokozani malizu acilwendo. Cepeshani kuseŵenzesha malizu amene ni osaziŵika kwa omvwishila ŵanu. Ngati mufuna kuseŵenzesha malizu acilwendo okhuza munthu wofotokozewa m’Baibolo, mipimo yeenzoseŵenzesha kale olo miyambo, mufunika kuŵafotokozela luweme omvwishila.