Kumvwikisha Mfundo Zikulu-Zikulu za Nkhani

Aheberi 8:1

MALIZU ACIDULE: Yavyani omvwishila kuti akokukonkhani pamulaŵila nkhani yanu, yesayesani kuti mfundo iliyonse ikulu ikokatizhyana na mutu wa nkhani.

MWAMUNGACITILE:

• Nkhalani na colinga. Mufunika kuziŵilatu ngati nkhani yanu ikankhale yophunzisa omvwishila, yoŵayavya kuti akhulupilile koma soti yoŵalimbikisha. Nkhalani osimikizhya kuti mfundo zikulu-zikulu zukwanilisha colinga canu.

• Gogomezelani mutu wa nkhani. Pamulaŵila nkhani, mowelezhyawelezhya mukokatanisha mfundo na mutu ukulu wa nkhani poseŵenzesha malizu amene ni olinganako.

• Mvwikishani mfundo ikulu ya nkhani yanu. Sankhani tyala mfundo zikulu-zikulu zamene zukatizhyana na mutu wa nkhani yati mulaŵile kulingana na nthawi yamwapasiwa. Sankhani tyala mfundo zitontho, mukopumula patontho mukasilizhya mfundo imozi mukaliyolaŵila iyakine ndipo mukolumikizhya luweme kucoka pa mfundo yamwalaŵila kuya pa mfundo iyakine.