PHUNZILO 4

Malizu Okopa Cidwi Potomola Lemba

Mateyu 22:41-45

MALIZU ACIDULE: Laŵilani malizu okonzekelesha maganizo a omvwishila mukaliyoŵelenga lemba.

Ganizilani cifukwa cati muŵelengele lemba. Fotokozani lemba m’njila yamene ingacitishe omvwishila kuzindikila mfundo ikulu yamufuna kumvwikisha pa vesi.

Ziŵani zinyinji zokhuza nkhani yamufuna kuŵelenga. Ngati muŵelenga lemba, mufunika kufotokoza munthu enzolaŵila malizu amene ao olo elemba nkhani ya m’Baibolo yamene iyo molondola.
Seŵenzeshani Baibolo kunkhala maziko. Ngati mulaŵila na ŵanthu amene okhulupilila Mulungu, mufunika kuseŵenzesha Baibolo, kucita izi kuonesha kuti mukhulupilila kuti ni malizu a Mulungu.
Kulishani cidwi mukaliyoŵelenga lemba. Konshani konsho yamene yankho yake ipezeke pa lemba yati muŵelenge. Tomolani vuto yamene lemba ifotokoze mwati ikasilile olo fotokozani mfundo ya m’Baibolo yati iyavye ŵanthu kuona mwaangalimbanilane na vuto yamene iyo.

Ganizilani zinthu zakuziŵa kale omvwishila pankhani yanu olo lemba. Olo kuti lemba oiziŵa kale, ifotokozeni m’njila yakuti iŵacitishe cidwi koma soti kuti aphunzilepo kanthu.