Isethulo SeliZwi LakaZimu

IBhayibheli lisiphathele umlayezo namkha ilizwi elivela kuZimu. Lisifundisa indlela okufuze siphile ngayo ngepumelelo nokuthi singamukeleka njani kuZimu. Iphendula nemibuzo le:

1 Ngubani uZimu?
2 Ungafunda njani ngoZimu?
3 Ngubani owatlola iBhayibheli?
4 IBhayibheli linembile na ngokwesayensi?
5 Uyini umlayezo weBhayibheli?
6 IBhayibheli labikezelani ngoMesiya?
7 IBhayibheli labikezelani ngesikhathi esiphila kiso?
8 Inga-kghani kufuze kusolwe uZimu na ngokutlhaga kwabantu?
9 Kubayini abantu batlhaga?
10 Khuyini okuthenjiswa yiBhayibheli ngengomuso?
11 Kwenzekani umuntu nakahlongakalako?
12 Singaba naliphi ithemba ngabahlongakeleko?
13 Lithini iBhayibheli ngomsebenzi?
14 Ungayisebenzisa njani imali nezinto onazo?
15 Ungalifumana bunjani ithabo?
16 Ungakghona njani ukuphila namatshwenyeko?
17 IBhayibheli lingawusiza njani umndenakho?
18 Ungatjhidelana njani noZimu?
19 Khuyini okuseencwadini ezihlukahlukeneko zeBhayibheli?
20 Ungazuza njani nawuzifundela iBhayibheli?

INDLELA YOKUTHOLA AMAVESI EBHAYIBHELINI

IBhayibheli lenziwa ziincwadi ezincani ezima-66. Lihlukaniswe ngeengaba ezimbili: ImiTlolo yesiHebheru nesi-Aramu (“ITestamende Elidala”) nemiTlolo yesiGirigi (“ITestamende Elitjha”). Enye nenye incwadi yeBhayibheli ihlukaniswe ngezahluko namavesi. Nakunemitlolo eveziweko, inomboro yokuthoma ngemva kwegama lencwadi ngeyesahluko bese kuthi inomboro elandelako kube ngeyevesi namkha amavesi. Isibonelo, uGenesisi 1:1 utjho incwadi kaGenesisi isahluko 1, ivesi 1.