Erilua okulembe: Ekihunga Ian, Florida, eAmerika, Omwisi 9, 2022 (Sean Rayford/Getty Images); omo kati-kati: Mama amatibita n’omughala wiwe bakalua eyiri amalwa, Donetsk, Ukraine, Omwisi 7 2022 (Alex Chan Tsz Yuk/SOPA Images/LightRocket via Getty Images); oko mali: Abandu bakapimwa ng’abakwire EKORONA, Beijing, Chine, Omwisi 4 2022 (Kevin Frayer/Getty Images)
MUTEGHAYE!
2022: Omwaka owalimo obutsumbu-tsumbu—Ebyo eBiblia ikabugha
Omo mwaka 2022 mutwowire esyongulu nyingyi sy’amalwa, esyombanza sy’eribulirwa esyofranga, n’ebitsinduli ebyabya busana n’amazingira eritsanda. EBiblia nyisa yo yangabugha emyatsi eyi nga yikamaanisayaki.
Emyatsi eyiryabya omo mwaka 2022 yikakanganayaki?
Emyatsi eyiryabya omo mwaka owalaba yikakanganaya kundu ngoko tuli omo mughulu owo eBiblia ikahulamo “ebiro by’enyuma-nyuma.” (2 Timoteo 3:1) Omughulu oyo atsuka oko mwaka 1914. Lebaya ngoko emyatsi ya lino-lino ihambene n’emyatsi eyo eBiblia yabugha embere yiti yangabere omo mughulu wetu:
“Amalwa.”—Matayo 24:6.
“2022 Abya mwaka owo abandu be Bulaya mubatasyakwa obuba busana n’amalwa.”a
Lebaya omwatsi “Oburusi bwamabambira e Ukraine.”
“Esyonzala.”—Matayo 24:7.
“2022: Omwaka w’enzala nene.”b
Lebaya omwatsi “Amalwa we Ukraine abirileta enzala y’omo kihugho.”
“Amakoni.”—Luka 21:11.
“Obukoni bwe polio [amakonongo] kandi mubwabere, obukoni bwe variole du singe mobwakanyirire ekihugho, n’eKorona muyitire abandu bangyi. Emyatsi eyi moyakanganirye ngoko amakoni awakasighalirana akalire kutsibu kandi ngoko abandu bangahwa luba.”c
Lebaya omwatsi “Abandu milioni 6 erihola omo kihunzo ky’EKORONA.”
“Eriubahirirya.”—Luka 21:11.
“Ekihuhania eribya kinene, ekipwa, emiliro erihutuka omo misitu, n’eribwagha ry’amaghetsi. Ekihunia ky’oko mwaka 2022 sikyendisyibiriranwa busana n’ebitsibu ebyabya busana n’obutuku eribinduka ekyakola ebyagha bingyi, mokyalekire amaelfu w’abandu iniahola, n’erileka amamilioni w’abandu omo kihugho ibabya butsira obwikalo.”d
Lebaya omwatsi “Mu Dunia Yote Muko Kifukutu Sana Kupita Kawaida.”
“Eritwa eyisesi [kutse, “obutsumbu-tsumbu,” ftn.].”—Luka 21:9.
“Busana n’abandu erihitana kutsibu bakalangira eribulirwa esyofranga, kutsibu-tsibu ebeyi y’ebindu eripanda, amaandamano busana n’eriyisamambula oko syoguvernema mwabere mangyi omo mwaka 2022.”e
Lebaya omwatsi “Ebeyi y’ebindu eripanda kutsibu omo kihugho kyosi.”
Emyatsi yikendibya yiti omo mwaka 2023?
Sihali oyuwasi emyatsi nga yasyabya yiti omo mwaka 2023. Twasi ngoko hano sesene, oBwami bw’oMungu, kutse obutabali bw’elubula bukendibindula emyatsi oko kihugho ko hano. (Danieli 2:44) Obutabali obo bwasyalusyaho ekikaleka abandu ibaghalwa n’erikola ekyosi-kyosi erisonda ry’oMungu rikoleke oko kihugho.—Matayo 6:9, 10.
Tukakusaba erikwama erihano rya Yesu eryabugha ati “muteghaye” utoke erilebya ngoko emyatsi y’omo kihugho ikaberereraya obuminyereri bw’eBiblia. (Mariko 13:37) Kisi utuhandikire utoke erigha bingyi ngoko eBiblia yanganakuwakikya lino iwe n’ekihanda kyaghu eribya n’amaha awuwene aw’ebiro ebikasa.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.