Nga Benaya, ubye mutubaha kandi mutaleghula

Benaya abya musuda mutubaha w’omo basuda abakolera Omwami Daudi n’Omwami Solomona. Abya mughala w’omuhereri. Isi kya buli kiro Abahereri n’Abalawi eriya oko malwa n’erikolesya ebyamano by’amalwa. Aliwe Benaya mwakola ekyo, kandi mwakangania obutubaha bunene. Ng’eky’erileberyako, mwandaghalira omo kyuna ky’amaghetse atoke eriita esimba kandi mwakinda ekikakambwe ky’omusuda ekiwite oko byamano by’amalwa. Daudi mwayiketera Benaya yo kutsibu, amamuyira mo mukulu w’abasuda abakamuteghaya.​—2 Sam. 23:20-23.

Benaya mwasighala mutaleghula oko Daudi omughulu Absalomu na Adoniya bayisamambula oko Mwami Daudi. (2 Sam. 8:18; 15:18; 1 Ab. 1:8) Daudi iniabiribya musyakulu, kandi Benaya mwawatikya eriyira Solomona mo mwami. (1 Ab. 1:32-40) Oko kwenene, Benaya abya mutaleghula oko Yehova n’oko bandu abo Yehova asombola, nibya n’omughulu abandi batakola batya.

Netu tulaghire oko butubaha erilwa n’enzighu yetu eyikalire, Sitani, n’abosi abali oko luhande lwiwe. Kandi litolere itwayisogha erilola embere erikwama esyokanuni sya Yehova omo ngebe yetu. (Efe. 6:11; 1 Pet. 5:8, 9) Nomo abandi banganasombola erileka Yehova, itwe tukasighala bataleghula okw’iye, itunasi ngoko akendisyatuhemba.​—2 Sam. 22:26.