Erimya omo bwenge mw’epitsa y’emyatsi eyo ukasoma omo Biblia

Omo Biblia muli esyohadisi nyingyi esikatwighisaya emyatsi y’omughaso. Twamabiyihira omo mibere ey’abakakanibawako, ikikendituwatikya eryowa ndeke ebyo tukasoma n’eribana mubyo mw’endundi. Ebiri ahikwa hano byanganakuwatikya, eriyowa nga wanabyaho emyatsi eyo yikakoleka.

• Erisoma omo mulenge muli. Erisoma eBiblia omo mulenge muli kyanganakuwatikya eriyihira omo mibere eyabyaho kandi n’eritasyowa omwatsi wo ndeke. Omo kihanda kyanganuwana obuli mundu inyasoma ebinywa by’omundu mulebe omughulu mukasoma haghuma eBiblia. Ekyo ikikendileka imwabya n’epitsa ngoko emyatsi yabya.

• Eriyihira omo mibere y’omundu oyukakanibawako. Uyikase eriminya n’eriyowa ng’omundu oyukanibweko. Ng’eky’erileberyako, wanganayibulya uti: ‘Busanaki omundu oyu mwabugha kutse mwakola omwatsi mulebe? Nga n’ingye, oko ndambi eyo nangabere ingalengekanaya okuki kutse ingayowa niti?’

• Eridesa n’eritsora esyopitsa sy’eby’omukasoma. Eridesa n’eritsora ebilebirye ebyo ukasoma omo Biblia, kyangakuwatikya eriyilangirira ndeke-ndeke ngoko omwatsi abya. Aliwe sikisabire eritsora ndeke-ndeke wamabya isiwasi eritsora.