Obuli mundu awataye obwikirirya bw’oghundi

Itwe bosi tukasikibawa mutima omughulu tukalabaya endambi n’abaghala n’abali betu. Aliwe eribya haghuma lisa kyo kitekyangaleka itwasikania mitima, litolere itwakola bingyi okw’aho. EBiblia ikatusaba erisikania mutima kandi ikasaba obuli mughuma w’okw’itwe eribya akawatya obwikirirya bw’oghundi. (Rom. 1:11, 12) Twangakola ekyo kyo tuti?

Usikaye abandi bo mutima omo binywa byaghu. Twanganakola ekyo omughulu tukasubiraya oko mihindano; n’omo bisubiryo byetu isitwayikanayako kutsibu aliwe itwakania kutsibu oko Yehova, oko Kinywa kiwe n’oko baghombe biwe bataleghula. Omughulu tukakanaya n’Abakristo balikyetu ngambe itwasombola ebinywa ebikahimba.

Usikaye abandi bo mutima erilabira emikolere yaghu n’emyatsi eyo ukayisogha. Ng’eky’erileberyako, abandi banganasikibwa mutima erilangira ngoko wabiriyisogha erisighala omo mubiiri w’omughulu wosi, nomo unemuhikirwa n’emyatsi eyangaleka iwalua mugho. Kutse banganalangira ngoko ukayikasa erihika oko mihindano y’omo kati-kati k’eyenga nomo une mulwere, kutse nomo unawite omubiiri owakakuhamba kutsibu.

Ukanasikaya abaghala n’abali betu bo mutima erilabira ebinywa byaghu n’emikolere yaghu? Naghu ukanayiteghereraya ebyo abaghala n’abali betu bakabugha kutse erikola utoke erisikibwa mutima?