Ebyangakuwatikya eribya ukasoma eBiblia y’obuli kiro

Kundi itwe bosi tuwite ebingyi by’erikola, ndambi silebe ekyo kyanganaleka ikyakukalako erisoma eBiblia y’obuli kiro. (Yos. 1:8) Byamabya bitya, uterikwama erihano righuma ry’oko mahano ano:

• Uhireho ekikendibya kikakwibukya obuli kiro. Uhire omo kyombo kyaghu ky’ekielektronike mw’ekibukyo (ereveye) ky’erikwibukya erisoma eBiblia.

• Uhire eBiblia yaghu omo mwanya ogho ukendibya ukalangirayo bweghu-bweghu. Wamabya ighukasomera omo eBiblia y’akaratasi, uhireyo omo mwanya ogho ukendibya ukalangirayo bweghu-bweghu obuli kiro.​—Ebih. 11:18.

• Uhulikirire obusomi bw’eBiblia obwabirihambwa. Ubye ukahulikirira obusomi bw’eBiblia obwabirihambwa omughulu unemukola emibiiri yaghu y’obuli kiro. Mwali wetu mupainia ye Tara kandi omumama oyukakola omo kiro, akabugha ati: “Omughulu ngahulikirira obusomi bw’eBiblia obwabirihambwa ininemukola emibiiri yaghe y’eka, kikaniwatikaya erisikya eprograme yaghe y’erisoma eBiblia y’obuli kiro.”

• Isiwalwika. Hamabihuluka emyatsi eyo utalue uyilindirireko, eyamaleka iwatasikya eprograme yaghu y’erisoma eBiblia y’obuli kiro, usome emilondo milebe y’eBiblia embere uyeto. Nibya n’erisoma emilondo milebe misa y’obuli kiro, kikendikuletera endundi.​—1Pet. 2:2.