Amasako awakangirirwe oko mulondo anganakuwatikya ati?

Amasako awakangirirwe oko mulondo awali omo EBiblia—Embindula y’ekihugho kihya-kihya akakanganaya ngoko eBiblia yihambene kundi akakuha eyindi milondo eyikakanaya oko mwatsi mughumerera n’erikuwatikya utoke eriminya bingyi. Amasako ayo wanganasughagho ng’omo EBiblia​—Embindula y’ekihugho kihya-kihya ye Swahili (Congo). Eriminya emilondo eyo iwabya ukalebya eherufi eyiri hakuhi n’ekinywa. Eribanayo omo Biblia ya karatasi, iwalebya eherufi ngumerera eyo omo kati-kati k’emistari ebiri eyikabya oko buli kayani. Oko jw.org n’omo JW Library, iwatula oko herufi eyo erilangira amasako awakangirirwe oko mulondo.

Amasako awakangirirwe oko mulondo anganakutwala oko myatsi eyikwamire eno n’oko yindi:

Awandi masako awalimo omwatsi mughumerera n’ogho unemusoma: Amasako awakangirirwe oko mulondo iniakutwala oko yindi milondo eyirimo omwatsi mughumerera n’ogho unemusoma. Ng’eky’erileberyako, ulebaye 2 Samweli 24:1 na 1 Emyatsi y’Emighulu 21:1.

Ebinywa bighumerera n’ebyo unemusoma: Amasako awakangirirwe oko mulondo iniakukangania awandi masako awalimo ebinywa bighumerera n’ebyo unemusoma. Ng’eky’erileberyako, ulebaye Matayo 4:4 na Eryibuka Ebihano 8:3.

Obuminyereri obwabiribererera: Amasako awakangirirwe oko mulondo iniakutwala oko wandi masako awakakanganaya ngoko obuminyereri obo bwabererera. Ng’eky’erileberyako, ulebaye Matayo 21:5 na Zekaria 9:9.