Uteghekanaye omutima waghu

Omughulu tukigha eBiblia, tukanza tuti amalengekania wa Yehova ingire omo mutima wetu kutse emwisi syetu. Oko mwatsi oyo, Ezra mwatusighira eky’erileberyako ekyuwene. Iye, ‘mwateghekania omutima wiwe eriyiteghererya Emighambo ya Yehova.’ (Ezra 7:10) Twangateghekania tuti omutima wetu?

Ubye ukasaba. Embere sy’erigha, ubye ukasaba. Usabe Yehova akuwatikaye eryowa n’erikolesya ebyo ukigha.—Esy. 119:18, 34.

Ubye ukayikehya. OMungu akabisa ekwenene oko bandu abawite emiyiheko, abakalengekanaya bati banganowa Ekinywa ky’oMungu butsira obuwatikya bwiwe. (Luka 10:21) Isiwabya ukakwesa-kwesa emyatsi omo bitsapo busana n’erisonda erikangania abandi ngoko wasi bingyi. Omw’iyikehya, ubindule amalengekania waghu omughulu syatahambana n’amalengekania w’oMungu.

Wanganahulikirira olwimbo lughuma l’oko syonyimbo syetu sy’Obwami. Omuziki awite obutoki bw’eritula oko mutima wetu tukayiteghekania okw’iramya. Erihulikirira olwimbo lw’Obwami embere sy’eritsuka erigha, kyanganakuwatikya eriteghekania omutima waghu.