Endwa ikamatanaya omulume n’omukali omo ngebe yabo yosi

Endwa y’eKikristo eyuwene ikaletera Yehova y’olukengerwa n’eriletera abalunga b’obutseme. (Mk 10:9) OMukristo amasonda eribya n’endwa eyiri m’obutseme oko mughuli muli, atolere inyakolesya esyokakuni sy’eBiblia omughulu akasombola ow’erilunga naye.

Isiwatsukisaya obwira bw’endwa wamabya isighuli “kigungutsya” kundi omughulu ukabya isighuli wakula esyongumbu sy’emyatsi y’engyingo syanganaleka iwatayisogha ndeke. (1Kor 7:36) Ni ky’amange erikolesya ndeke obusimbi bwaghu eriwatya obwira bwaghu n’oMungu n’erikulya emibere y’eKikristo. Wamakola ghutya, ighukenditola eribya n’endwa eyuwene.

Embere sy’eriligha erilunga n’omundu mulebe, litolere iwatsuka erilabya endambi nene utoke eriminya “omutima owali omwisi wʼomundu.” (1Pe 3:4) Wamatsuka eritika-tikira kutsibu ubwira bwenyu bw’endwa, ukanaye n’oyo ukakola naye obwira bw’endwa. Ngoko tukanakola omo bundi bwira, n’omo ndwa ubye ukalengekania kutsibu oko ebyo wangakolera omwanzwa waghu kulenga kw’erilengekania oko ebyo mwanzwa waghu angakukolera. (Flp 2:3, 4) Wamabya ukakolesya esyokanuni sy’eBiblia embere sy’erilunga, ikikendikulobera erilola embere erikolesyasyo wabilunga, neryo iwukendibya n’obutseme omo ndwa yaghu.

MUKWAME EVIDEO ERITEGHEKANIA ENDWA YAGHU​—EKITSWE 3: “ERIGANZA EBYASYAHIMBAYO,” NERYO MUSUBIRAYE OKO MABULYO ANO:

• Obwira bwa mwali wetu haghuma na mughala wetu Shane mubwalola embere yo buti?

• Mwali wetu mwalangiraki oko Mughala wetu obwira bwabo bukalola embere?

• Ababuti ba mwali wetu mubamuwatikya bati, naye mwayisogha ati n’amenge?