Ngoko wangabana endundi nene erilabira efunzo y’eBiblia eno
Utsuke walengekania oko kikuhi ekiri oko kayani kano, n’enyuma syaho ulebaye EVIDEO.
EKIHANDE KY’ERIMBERE
Eriyiteghekania oko buli somo, usome ekitswe ky’erimbere. Amabulyo awali kw’erangyi (A) n’amasako (B) akakanganaya emyatsi mikulu-mikulu. Embere sy’amasako malebe hali ekinywa “soma.”
EKITSWE KY’OMO KATI KATI
Ebinywa ebisakire oko nzuko (C) ebikwamire omutwe muke Wighe bingyi bikakanganaya omwatsi ow’akendikwama. Emitwe mike mike (D) ikatangiriraya emyatsi mikulu mikulu. Musome amasako haghuma n’omughalima waghu, musubiraye oko mabulyo, n’erilebya esyovideo.
Ekikuto ky’ESYOVIDEO kikakusondola omo multimedia busana n’eryusulirirya omwatsi owo ukasoma. Hane esyovideo esikanirye oko myatsi eyo mundu mulebe alabamo. N’esindi isyakania oko myatsi eyatabya aliwe eyikakanganaya emyatsi y’ekwenene eyikahikira abandu.
Mulebaye ndeke esyofoto n’erilengekania oko mitwe mike mike (E), n’erigha ngoko wangasubirya oko mwatsi Abandu balebe bakabugha bati (F).
EKITSWE KY’ENDULI
Mukigha myatsi yahi? na Eriyibukya (G) byo bikabughirira esomo. Uhandike ekiro ekyo mwamabughirako esomo. Ekyo wangakola (H) kikakuha omubírí w’erikola. Ebindi eby’eriminya (I) muli eyindi myatsi eyo wangasoma kutse esyovideo esyo wangalebya.
Ngoko wangabana erisako ly’omo Biblia yaghu
EBiblia yirimo ebitabu bike bike 66. Yighabirwe omo bihande bibiri: Hali Amasako awasakawa omo Kiebrania n’omo Kiaramu (“Erilaghana lya kera”) n’Amasako w’eKikristo awasakawa omo Kigiriki (“Erilaghana lihya-lihya”).
Omughulu Erisako ly’eBiblia likahulawa omo kitabu kino, eky’erimbere hakabya erina ly’ekitabu ky’eBiblia (A), eyikwamire y’esura (B), n’oko nduli w’omulondo kutse emilondo (C).
Eky’erileberyako, Yoane 17:3 ni bughambu ekitabu kya Yoane, esura 17, omulondo 3.