Eritangirirya ekitswe 7

Ekitswe kino kikakanaya oko ngebe y’abami babiri, Sauli na Daudi. Ni myatsi eyakoleka omo myaka nga 80. Okw’itsuka, Sauli abya mwolo kandi iniakubaha oMungu, aliwe endambi muyahika amabinduka, amaghana eritasyakwama obusondoli bwa Yehova. Yehova mwamughana neryo amabwira Samweli ati ahire amaghuta oko Daudi eribya mwami w’Abaisraeli. Sauli mwatsura Daudi. Ngendo nyingyi mwasonda eriita Daudi, aliwe Daudi mwatatuhulya. Yonatani mughala wa Sauli mwaminya ngoko Yehova yo wabirisombola Daudi, neryo mwabya mutaleghula oko Daudi. Daudi mwakola amalolo awakalire, aliwe mwataghana erikungwa na Yehova. Wamabya ighuli mubuti, watikaya omwana waghu alangire omughaso w’erikwama mughulu wosi obusondoli b’oMungu.