Ekinigha mukyaleka iniita omundu

Adamu na Eva babere babilua omw’irima lye Edeni, mubabuta abana banene. Omwana wabo w’erimbere, ye Kaini, mwabya mulimi, n’owakabiri, ye Abeli, mwabya mulisya.

Kiro kighuma Kaini na Abeli mubaherera Yehova y’amahere. Unasi obuhere nga niki? Ky’ekihembo ekyo ukaha oMungu. Yehova mwatsemera ekya Abeli, aliwe mwatatsemera ekya Kaini. Ekyo mukyaleka Kaini iniakwa ekinigha kinene. Yehova mwabwira Kaini ati ekinigha kiwe ekyo kyanganaleka iniakola ekindu ekituwene. Aliwe Kaini mwatahulikirira.

Ekyo Kaini akola, mwabwira Abeli ati: “Tuye emoli.” Babere ibane emoli eyo ibibene, Kaini mwaghulukira mughala wabo n’erimwita. Yehova mwakolaki? Mwasuyira Kaini omw’ileka aye hali kutsibu oko kihanda kyabo. Kaini abya isyangatasyalighirwa erisuba ewabo.

Eki kikatwighisayaki? Emyatsi yamatendibya ngoko tulue twanzire, twanganatsuka erikwa ekinigha. Twamabiyowa nga tulimwasa mw’ekinigha, kutse ibatukunga bakalangira ngoko twabirikwa ekinigha​, kumbe itwalw’itwakola esyombinduka sy’aho n’aho ekinigha ekyo kite kyalwiramo ebindi.

Kundi Abeli abya anzire Yehova kandi mwakola ekyuwene, Yehova syendisyamwibirirwa. Ekiro oMungu akendisyayira ekihugho mo paradiso, akendisyalubukya Abeli.