Ekwenene y’eBiblia muyabanika kandi yiti?

EBiblia muyabugha yiti Kristo akendisyabya ahola, abakangirirya ba mabehi bakasyahuluka omo katikati k’Abakristo b’erimbere n’erihengemya ekwenene y’eBiblia. (Emibiri 20:29, 30) Kobyabya bitya. Mobatswangalikania amakangirirya wa Yesu n’amakangirirya w’amadini, neryo Abakristo b’amabehi mubatsuka. (2 Timoteo 4:3, 4) Twangaminya tuti ngoko twasi ndekendeke ebyo eBiblia ikakangiriraya kwenene-kwenene?

Endambi y’eribisula ekwenene muyahika. Yehova mwabugha ati oko ‘mughulu w’enduli eriminya lyasyakanyirira.’ (Danieli 12:4) Omo mwaka we 1870, abandu bake ababya bakasondya ekwenene mobalangira ngoko amakangirirya mangyi w’esyodini syali omo Biblia. Neryo, mubatsuka erikwesa eBiblia batoke eriminya ebyo ikakangiriraya, na Yehova mwabawatikya eryowa eKyinywa kiwe.

Abandu ababya banzire erimiya ekwenene mubakwesa eBiblia. Abigha b’eBiblia abo babya bak’igha eBiblia ngoko tukakola munabwire: Ibakasombola omwatsi mulebe w’erikaniryako neryo ibalebya eBiblia nga yikakanaya kuwo ko yiti. Ibakabya basunga omulondo owaty’owika ndeke, ibakasondaya eyindi milondo eyangabawatikya ery’owa omulondo oyo. Ibakabya babibana ekyo Amasako wosi akakanaya oko mwatsi mulebe, ibakahandika kyo. Erileka eBiblia nyisanyisa ikanaye oko mwatsi mukyaleka ibaminya ekwenene oko rina ly’oMungu, Obwami bwiwe, erisonda liwe busana n’abandu n’ekihugho, abaholi nga bali bati, n’amaha w’erisyalubuka. Erikwesa lyabo ekwenene molyabawatikya baminye emibere yituwene n’amakangirirya wa mabehi.​—Yoane 8:31, 32.

Oko mwaka we 1879 Abigha b’eBiblia mobaminya ngoko endambi y’eritula engulu y’ekwenene ehosi-hosi yabirihika. Neryo omo mwaka oyo, mubatsuka erihulukya egazeti Munara wa Mulinzi (Akaleberyo k’Omuteya), egazeti eyo ikine munabwire. Lino tunemutulira ekwenene omo bihugho kulenga 240 n’omo mibughe kulenga 750. Eriminya ekwenene silirilyatakanya nga munabwire!

• Kristo abihola, ekwenene y’eBiblia moyabya yiti?

• Niki kyatuwatikaya eribana kandi ekwenene?