Abimiri ba Yehova ni bandu muhandaki?

Abimiri ba Yehova abo wasi ni bangahi? Wanganabya iwikere n’abaghuma ba kubo, kutse iwukasoma na bandi, kutse erikola nabo. Kutse twanganabya itwabirikania naghu oko myatsi y’eBiblia. Aliwe tuli bandu muhandaki, busanaki tukakanaya n’abandu oko myatsi eyo twikirirye?

Tuli nga bandi bandu. Tukalwa omo bihanda n’emibere mbiriri-mbiriri. Abandi b’omwitwe babya omo sindi dini kera, n’abandi babya isibikirirye oMungu. Embere sy’eribya Abimiri ba Yehova, itwe bosi mutw’igha ndeke ebyo eBiblia ikakangiriraya. (Emibiri 17:11) Mutwikirirya ebyo twabyatukigha, neryo mutwatsuka eriramya oMungu Yehova.

Erigha eBiblia lyabirituwatikya kutsibu. Netu tukanabana eshombanza n’erilemerwa ng’abandu bosi. Aliwe erighendera oko syokanuni sy’eBiblia obuli kiro, lyabirileka itwabya ndeke. (Esyonyimbo 128:1, 2) Ekyo kyo kikaleka itwabwira abandi emyatsi mibuya eyo tuk’igha omo Biblia.

Tukakwama esyokanuni esyuwene omo maisha wetu. Esyokanuni esi esyo Biblia ikatukangiriraya, sikaleka itwayowa ndeke, sikatukangiriraya erisikya abandi, eribya abandu be kwenene, n’ababuya. Sikaleka abandu ibakola ebyuwene, ibabya n’obughuma, n’erisikania omo bunyumba. Tuli kihanda kighuma omo kihugho kyosi ekitawite kasololo kundi twasi ndekendeke ngoko ‘oMungu syawite bitagha.’ N’omo tuli ng’abandi bandu, tuli kihanda ekite nge bindi.​—Emibiri 4:13; 10:34, 35.

• Ni byahi ebikakanganaya ngoko Abimiri ba Yehova bali nga bandi bandu?

• Abimiri ba Yehova babir’igha emibere ki mibuya omo Biblia?