हाम्रो आधिकारिक वेब साइट—प्रयोग गर्न सजिलो नयाँ डिजाइन
“सबै जातिलाई साक्षी दिनका लागि राज्यको यो सुसमाचार सारा पृथ्वीभरि प्रचार” गर्नू भनी येशूले आज्ञा दिनुभयो। (मत्ती २४:१४) ‘हामीलाई सुम्पिइएको सेवाको काम राम्ररी पूरा गर्न’ सकोस् भनेर तीनवटा वेब साइटलाई (watchtower.org, jw-media.org र jw.org) एउटैमा गाभेर नयाँ डिजाइनको jw.org बनाइएको छ।—२ तिमो. ४:५.
“सारा पृथ्वीभरि”: विश्व जनसङ्ख्याको एक तिहाइ जति मानिसहरू इन्टरनेट चलाउँछन्। थुप्रैले, अझ खासगरि जवानहरूले विभिन्न जानकारी प्राप्त गर्नको लागि इन्टरनेट नै प्रयोग गर्छन्। इन्टरनेट प्रयोगकर्ताहरूले हाम्रो साइटमार्फत बाइबल प्रश्नहरूको सही जवाफ पाउन सक्छन्; यहोवाको सङ्गठनबारे थाह पाउन सक्छन्। साथै उनीहरूले निश्शुल्क गृह बाइबल अध्ययनको लागि आग्रह गर्न सक्छन्। यसले गर्दा राज्यको सुसमाचार सुन्ने मौका त्यति नभएको इलाकाका मानिसहरूले समेत सजिलै सुन्न सक्छन्।
“सबै जातिलाई”: “सबै जातिलाई” साक्षी दिन बाइबल सत्य विभिन्न भाषामा उपलब्ध हुनुपर्छ। अरू वेब साइटको तुलनामा jw.org मा लगभग ४०० भाषामा जानकारी उपलब्ध छ। त्यसैले इन्टरनेट प्रयोगकर्ताहरूले सजिलै जानकारी पाउन सक्छन्। (कुनै-कुनै भाषामा पूरै वेब साइट उपलब्ध छैन।)
यसको सदुपयोग गर्नुहोस्: नयाँ डिजाइन गरिएको वेब साइट jw.org गैर साक्षीहरूका लागि मात्र होइन; यहोवाका साक्षीहरूको लागि पनि हो। इन्टरनेटको सुविधा छ भने jw.org सित परिचित हुन हामी तपाईंलाई प्रोत्साहन दिन चाहन्छौं। यो प्रयोग गर्ने तरिकाबारे केही सुझाव तल दिइएका छन्।
[पृष्ठ ३-मा भएको रेखाचित्र]
(ढाँचा मिलाएर राखिएको शब्दको लागि प्रकाशन हेर्नुहोस्)
प्रयोग गर्ने तरिका
१ इन्टरनेटमा www.jw.org टाइप गर्नुहोस्।
२ स्तम्भ, मेनु अनि लिङ्क-मा क्लिक गरेर साइटको विभिन्न पक्ष हेर्नुहोस्।
३ मोबाइलबाट इन्टरनेट चलाउन सकिन्छ भने jw.org हेर्नुहोस्। स्क्रिन सानो भए तापनि ठूलो स्क्रिनमा जत्तिकै सबै जानकारी हेर्न सक्नुहुन्छ।