बाइबल पात्र
बेनायाहजस्तै साहसी र वफादार हुनुहोस्
बेनायाह साहसी योद्धा थिए। तिनले राजा दाउद र सुलेमानको शासनकालमा सेवा गरे। तिनी पुजारीका छोरा थिए। साधारणतया पुजारीहरूले हातहतियार चलाउँदैनथे। तर बेनायाहले भने यहोवाको लागि युद्धहरू लड़े। तिनी असाध्यै साहसी थिए। एकचोटि तिनले खाडलमा छिरेर सिंहलाई मारे अनि अर्कोचोटी एकजना अजङ्गको मिश्रीलाई पनि मारे। दाउदले बेनायाहलाई असाध्यै भरोसा गर्ने भएकोले तिनलाई आफ्नो अङ्गरक्षकका कप्तान बनाए।—२ समु. २३:२०-२३.
अब्सालोमले र पछि अदोनियाहले दाउदको विद्रोह गरे। (२ समु. ८:१८; १५:१८; १ राजा १:८) तर बेनायाह भने वफादार रहे। दाउद वृद्ध भइसक्दा पनि बेनायाह वफादार रहिरहे। दाउदले आफ्नो छोरा सुलेमानलाई राजा बनाउने कुरा बताउँदा तिनले पूरापूर साथ दिए। (१ राजा १:३२-४०) अरू मानिसहरू वफादार नरहे तापनि बेनायाह यहोवाप्रति र उहाँले नियुक्त गर्नुभएका राजाहरूप्रति वफादार रहिरहे।
सैतान र त्यसका समर्थकहरू हामीभन्दा शक्तिशाली छन्। त्यसैले तिनीहरूविरुद्ध लड्न हामीलाई पनि साहस चाहिन्छ। साथै यहोवाको स्तरअनुसार जीवन बिताइरहन हामी दृढ हुनुपर्छ। (एफि. ६:११; १ पत्रु. ५:८, ९) कसै-कसैले यहोवालाई त्याग्ने छनोट गरे तापनि हामी उहाँप्रति वफादार रही रहन्छौँ। किनभने हामीलाई थाह छ, वफादारप्रति उहाँ पनि वफादार रहनुहुनेछ।—२ समु. २२:२६.