Marko

16 Sabudu parainga rapera, Mariya Madharena, Mariya mai wa Jakobo na Sarome, vakatenga mafuta anonuhira kuti vaende kozoja mutembo wa Jesu. 2 Comangwanani matete o njiku yo kutanga yo sumana, zuva parainga rabuda, ivona vakaguma pa guva.* 3 Vaivhunjana ngocavo kuti: “Ndiyani anozotimburumbujira buwe rakajiva pa guva?” 4 Asi pavakasota, vakavona kuti buwe rainga ramburumbujwa, pikija raikura maningi. 5 Pavakanghwina mu guva, vakavona mujaha wakagara ngo mukono muho, wakasimira nguvo yakacena, yoreba. Ivona vakakaruka. 6 Iyena wakavavhunja kuti: “Mucakaruka. Imwimwi muri kupsaka Jesu wo Nazareta wakakohomehwaya pa mutanda. Iyena wamuswa. Aacipo pano. Vonanyi! Vainga vakamudira apa. 7 Asi endanyi, vhunjanyi vajiji vake na Pedhru kuti: “Iyena anotungamira kuenda Garireya. Imwimwi munozomuvona kondhoyo, inga zvaakamuvhunja.” 8 Ngo kudaro, pavakabuda, vakatiza kuvha pa guva, vecitetemera no kukahamara. Ivona avazivi kuzvivhunja mundhu ari wese ngokuti vaithya.*