“Lizakuzwa Izimpi Lemibiko Yezimpi”

“Kusukela ngabo-1960 selokhu ngaqalisa umsebenzi wami wokuba yintatheli, sengilethe imibiko yezimpi ezedlula 40 ebezisenzakala emazweni atshiyeneyo. Ngazibonela ngawami izingxabano ezazikhona phakathi kwe-United States leSoviet Union zisiba zimbi kakhulu kodwa zacina ziphelile. Lanxa kunjalo, umnyaka ka-2025 wona ubumubi kakhulu ngoba bekulezimpi ezinengi ebezisenzakala. Okunye okwenze umnyaka lo waba mubi kakhulu yikuthi enye impi ebikhona ibingaphambanisa izinto ezindaweni ezinengi emhlabeni.”—UJohn Simpson oyintatheli yezindaba eBBC.

Abantu abanengi bakhathazekile ngezimpi ezikhona ezindaweni ezitshiyeneyo. Bayazibuza ukuthi izimpi lezi zizake ziphele yini. UJesu wathini?

Okwakhulunywa nguJesu

UJesu wavele watsho ukuthi izinto zizaba zimbi esikhathini lesi esikuso. Watshela abalandeli bakhe wathi: “Lizakuzwa izimpi lemibiko yezimpi.”—UMathewu 24:6.

Lanxa kusikhathaza ukubona izimpi lodlakela lamuhla, silethemba lokuthi izinto zizalunga. Ngenxa yani? Ngenxa yokuthi uJesu wathi izimpi kanye lezinye izinto ezimbi esizibonayo, lendlela abantu abenza ngayo kwakuzabumba “isibonakaliso” ‘sesiphetho somumo lo wezinto.’ (UMathewu 24:3; ULukha 21:7) Lokhu kutsho ukuthi lizafika ilanga lapho uJesu azaqeda khona zonke izimpi. Uzakwenza njani lokho?

UJesu uzakwenzani?

Sekuseduze ukuthi uJesu oyiNkosi yoMbuso kaNkulunkulu ‘aqede izimpi emhlabeni wonke.’—IHubo 46:9.

Ukuze uthole okunengi ngokuthi ukuthula kuzaba khona njani emhlabeni kanye lokuthi impilo izabe isinjani ngalesosikhathi, bala isihloko esithi “Ngubani Ozaqeda Izimpi Lodlakela?”