Kuqondile Yini Ukuthi AmaKhristu Atshadileyo Asebenzise Izindlela Zokuvikela Ukuzithwala?
Impendulo yeBhayibhili
UJesu kazange atshele abalandeli bakhe ukuthi babe labantwana kumbe ukuthi bangabi labo. Labafundi bakaJesu kabazange babeke umthetho ngendaba le. Akulandawo eBhayibhilini esitshelwa khona ukuthi akuqondanga ukuvikela ukuzithwala. Loba kunjalo, kumele sisebenzise isimiso esikuRoma 14:12 esithi: “Ngamunye wethu uzaziphendulela kuNkulunkulu.”
Lokhu kutsho ukuthi abatshadileyo bakhululekile ukuzikhethela ukuthi bazakuba labantwana yini kumbe hatshi. Bangazikhethela lokuthi bafuna abantwana abangaki lokuthi bazakwelamisa ngemva kwesikhathi esinganani. Yikho nxa indoda lomkayo bekhetha ukusebenzisa indlela ethile yokuvimba ukuzithwala, akulamuntu okumele abahlulele ngoba abephulanga mthetho.—KwabaseRoma 14:4, 10-13.