Uan keman aksa kiixtalis motemaktis iuan Jehová uan kiueyichiuas iniuan tokniuan, moneki kuali kinemilis achto ke kichiuas. Uan Jehová kineki maj tinochin tikixtalikan tikchiuaskej. ¿Keyej? Kineki maj kuali iuan timouikakan uan maj tinemikan nochipaya (Deut. 30:​19, 20; Gál. 6:​7, 8). Jehová amo akin kichikaujkauia maj kitekitili, ta techkaua maj tisejsemej tikixpejpenakan ox tikchiuaskej oso amo. Sayoj ke, ¿toni moneki kichiuaskej tokniuan tayekananij komo se tokniuj akin moauijya tel tajtakolchiua? Komo amo moyolpata, moneki kikalankixtiskej de nechikol (1 Cor. 5:13). Sayoj ke maski kikalankixtiskej, Jehová kineki maj moyolpata uan maj oksepa kuali iuan mouika. Uan no yejua ika kitemakak iKonetsin porin ijkon ueliskia kintapojpoluis akin moyolpataj. Jehová semi tetasojta, yejua ika kinpaleuia akin tajtakolchiuaj maj moyolpatakan (Zac. 1:3; Rom. 2:4; Sant. 4:8). w24.08 14 § 1, 2

Itech expatika carta, Juan kijkuiloj ke semi kiyolpaktiaya kiitas ke tokniuan kitakamattoyaj Dios. Ijkuak, sekin tamachtiayaj tein amo melauj uan kichiuayaj maj tokniuan itech nechikol amo kuali mouikakan. Sayoj ke sekin, kisentokayaj nemiaj itech “ojti tein melauak”. Kitakamatiaj Jehová uan kisentokayaj kichiuayaj tein kijtoua “itanauatiluan” (2 Juan 4, 6). Nejon tokniuan semi kiyolpaktiayaj Juan uan no Jehová (Prov. 27:11). ¿Toni techmachtia? Komo amo tikauaj Jehová nochipa tiyolpakiskej uan oksekin no yolpakiskej (1 Juan 5:3). Tel kualtsin timomachiliaj keman tikmatij ke tikyolpaktiaj Jehová. Yejuatsin semi yolpaki keman amo tikchiuaj tein amo kuali uan tiktakamatij tein technauatia. Ángeles no semi yolpakij (Luc. 15:10). Uan keman tikmatij ke tokniuan amo kikauaj Jehová, no semi tiyolpakij (2 Tes. 1:4). Uan keman ixpoliuis nochi tein kiixyekana Satanás, no semi tiyolpakiskej porin amo keman tikaujkej Jehová. w24.11 12 § 17, 18

Yejua ika, ¿kemanian uelis tikiluis tein tikmachilia? Komo niman tikiluia, uelis kinemilis ke amo achto kuali tiknemilia tein tikchiua (Prov. 29:20). Sayoj ke komo kimati ke mitsyolnotsa uan amo niman tikiluia, uelis kinemilis ke semi tiknenemilia para tikixtalis teisa (Ecl. 11:4). Achto ke tikiluis aksa tein tikmachilia, xikelnamiki ke keman nanyeskij novios xa uelisok namokauaskej uan amo namonamiktiskej. Sayoj ke achto ke peuas timoixmatis iuan aksa, moneki kuali tikitas ox yekmelauj uelisya timonamiktis uan ke xa yejua akin uelis iuan timonamiktis. ¿Uan komo tikita ke aksa kineki okachi mitsixmatis? ¿Toni uelis tikchiuas? Komo tejua amo tikneki, moneki tiknextis ika tein tikchiua. Amo kuali yeskia komo tikaua maj kisentoka kinemilijto ke yejua no mitsyolnotsa komo amo melauj (Efes. 4:25). w24.05 22, 23 § 9, 10