Puenu na ku Hilula Vintsina via Seho

Vuno ce ku mi kaluuila ku vuluka vintsina via seho vi mue ku lilongesa ni? Mua vusunga, vintsimbu vimo vie ku tu solokela tu vose. Vika mu hasa ku linga? Puenu na ku hilula vintsina via seho vi mue ku lilongesa.

Omo mu lilongesa puenu na kuimana-imana linga mu hilule vintsina via seho. Mukemuo mua lingile kapostolo Paulu mua sonekelele vamuanaye, nguendi: “Lizi lia kama ni, eli.” (VaHe. 8:1) Ku lingamo, Paulu ua kuasele vamuanaye vevuisise via tondele ku handeka na vati via handekele via litombuele.

Munima ya ku lilongesa, mu hasa ku pangesa 10 minutu linga mu hilule vintsina via seho. Nga ka muesi na ku vuluka vi mua lilongesa, talenu naua mitue ya indende ni ku tanda mezi a ku livanga a nkala cinanga. Ku lingamo, ci mi kuasa ku vuluka vintsina via seho. Nga mua lilongesa viuma via viha, setekenu ku vi lumbununa mu mezi enu vavene. Kaha omo mu hilula vintsina via seho vi mua lilongesa, cipua ca casi ku vi vuluka. Cikuavo naua, mu kevuisisa vati mu hasa ku pangesa vi mua lilongesa mu muono uenu.