CILONGESA 18

Vakua ku Halakana va Lilongeseho Vimo

1 Kolintu 9:19-23

VITONDEKA: Vundulenu visinganieka via vakua ku mi halakana, va lingisenu ku singanieka ha cimpande va mone ngecize va na lilongesaho vimo.

Singaniekenu vi va tantekeya laza vakua ku mi halakana. Mu cihela ca ku hilukila vize vi ve ku ivua na laza, vakuasenu va tale ha cimpande mu njila ya cili.

Kati mu simbule ha viuma vi va tantekeya laza, vunoni handekenu kavundende ha ku ntsindika vilongesa via viha.
Hilulenu na ku tondesesa. Nga citava, vuezenuko mizimbu ya vusunga ni vimo vili na ku soloka ntsimbu ino mu ku muesa vinanga via ntsindo. Singaniekenu ha cimpande cenu na vati ca likuata na mizimbu i mu ka hana.

Omo mu hilula ha vimpande, sangumunenu visinganieka vienu mu ku lihula vihula ngeci mua ‘vika, omo lia vika, tangua lika, ku lihi, Iya, na vati.’ Vuezenu ndzandzu ku cimpande cenu mu ku katula vihula na ku vi kumbulula.
Muesenu seho ya muzimbu uenu. Lombololenu vati vimamuna via mu Mbimbiliya vi hasa ku kuasa vakua ku mi halakana mu muono uavo ua tangua na tangua. Tumbulenu vimo vie ku soloka, vifua, na vilinga vize vi va tantekeya vakua ku mi halakana.