CILONGESA 8

Visimo vie ku Longesa

Mateo 13:34, 35

VITONDEKA: Mu ku longesa cenu tenu visimo via viasi vize vi heta ku mutima na ku longesa viuma via seho.

Hangulenu visimo via viasi. Ngeci mua Yesu, pangesenu visimo via vindende, na viuma via viasi mu ku lombolola viuma via vikalu. Kati mu tongeleko mizimbu i tanganesa ngoco. Tenu cisimo ca litombola mpundu na vize vi mu tonda ku longesa linga vakua ku mi halakana kati va moneho ku lisevuka.

Puenu vakua ku konka vuino. Talenu viuma via mi zengeleka, puenu na ku tanda mikanda yetu, na ku halakana ku valongisi va ku hia. Kaha puenu na ku soneka visimo vi mu hasa ku pangesa mu tovalese ku longesa cenu. Niungenu vuino visimo viaco.
Singaniekenu ha vize vi hasa ku kuasa vakua ku mi halakana. Hangulenu visimo via likuata ku vipanga na viuma vi va lema vakua mi halakana. Zangamenu linga kati mute visimo vi vuisa ntsoni ni ku sahula vali mu mbunga.
Longesenu vintsina via seho. Tenu visimo via kuata ku vintsina via seho ya kama. Lingenu cose linga vakua ku mi halakana kati va ka vuluke lika visimo vunoni vi va lilongesaho.