CILONGESA 1

Vuputukilo vu Vuisa Mpuila

Vilinga 17:22

VITONDEKA: Ha vuputukilo vuisenu mpuila, tumbulenu cimpande, kaha muesenu omo lia vika vakua ku halakana va na pande ku ci haka seho.

Sangumunenu mpuila. Hangulenu cihula, amo mezi, vimo via solokele mu muono, ni umo muzimbu u ka ya ku mutima ua vakua ku halakana.

Singaniekenu vua lumo, ha vimo vi va lema ni vi va lisosomua vakua ku mi halakana kaha vi tombuesenu ku vuputukilo vuenu.
Tumbulenu cimpande. Mu mezi enu a vuputukilo lombololenu vuino cimpande na vutumbe vuaco kuli vakua ku mi halakana.
Muesenu omo lia vika cimpande caco ca pua ca seho. Tombuesenu vihandeka vienu ku vize vi va tonda mpundu vakua ku mi halakana. Va pande ku ivuisisa vuino-vuino vati vi muli na ku handeka via kuata ku muono uavo muntu ku muntu.

Omo mu livuahesela cimpande, lihulenu nguenu, ‘Vika ve ku lihita navio vamuanetu mu cikungulukilo?’ Kaha sungikenu vuputukilo vuenu kuliya na vize vi tondeka.