ခရစ်ယာန်အသက်တာလမ်းစဉ်
ကြိုတင်ပြင်ဆင်ထားသလား
ညီအစ်ကို/မတို့ရဲ့ ဒေသမှာ သဘာဝဘေး ကျရောက်တယ်ဆိုပါစို့၊ အသင့် ပြင်ဆင်ထားသလား။ ငလျင်၊ မုန်တိုင်း၊ တောမီး၊ ရေဘေးတွေ ရုတ်တရက် ကျရောက်လာနိုင်တယ်၊ အပျက်အစီးလည်း များနိုင်တယ်။ အဲဒီအပြင် အကြမ်းဖက်တိုက်ခိုက်မှု၊ ဆူပူအုံကြွမှု၊ ကူးစက်ရောဂါတွေလည်း အချက်မပြဘဲ ဘယ်နေရာမှာမဆို ဖြစ်နိုင်တယ်။ (ဒေ ၉:၁၁) ကိုယ့်ဒေသမှာ အဲဒီလို ဘယ်တော့မှ ဖြစ်မှာမဟုတ်ဘူးလို့ မယူဆသင့်ဘူး။
သဘာဝဘေးအတွက် သင့်တော်တဲ့ ကြိုတင်ပြင်ဆင်မှုတွေ ယောက်တိုင်း လုပ်ထားရမယ်။ (ပ ၂၂:၃) သဘာဝဘေး ကျရောက်တဲ့အချိန်မှာ ယေဟောဝါရဲ့အဖွဲ့အစည်းက အတိုင်းအတာတစ်ခုအထိ ကူညီပေးတာ မှန်ပေမဲ့ ကျွန်တော်တို့ဘက်ကလည်း ကြိုတင်ပြင်ဆင်ထားဖို့ တာဝန်ရှိတယ်။—ဂ ၆:၅။
သဘာဝဘေးဒဏ်အတွက် ပြင်ဆင်ပြီးပြီလား ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–
သဘာဝဘေး ကျရောက်တဲ့အခါ ယေဟောဝါနဲ့ ရင်းနှီးတဲ့ဆက်ဆံရေးရှိတာက ဘယ်လို ကူညီပေးနိုင်သလဲ။
အောက်ပါအချက်တွေကို လုပ်ဆောင်ဖို့ ဘာကြောင့် အရေးကြီးသလဲ–
• သဘာဝဘေး မတိုင်ခင်၊ အတောအတွင်းနဲ့ ပြီးတဲ့နောက်မှာ အကြီးအကဲတွေနဲ့ ဆက်သွယ်ရေးကောင်း ရှိနေဖို့။
• အရေးပေါ်အိတ်တစ်ခု ပြင်ဆင်ထားဖို့။—န၁၇.၅ ၆
• ဖြစ်လာနိုင်တဲ့ ဘဘာဝဘေး အမျိုးအစားနဲ့ အခြေအနေတစ်ခုစီမှာ ဘာလုပ်မလဲဆိုတာ ဆွေးနွေးတိုင်ပင်ထားဖို့။
တခြားသူတွေ သဘာဝဘေး ကြုံတွေ့တဲ့အခါ ကူညီပေးနိုင်တဲ့ နည်း ၃ နည်းက ဘာလဲ။