နမူနာတင်ဆက်နည်းများ

စက်တင်ဘာလရဲ့ ပထမဆုံး စနေ ဒါမှမဟုတ် တနင်္ဂနွေမှာ ကျမ်းစာသင်အံမှုစဖို့ အခုလိုပြောနိုင်တယ်

လူအတော်များများက ကောင်းကင်တမန်တွေကို ယုံကြည်ကြတယ်။ မိတ်ဆွေကော ဘယ်လိုထင်သလဲ။ [တုံ့ပြန်မှုကို စောင့်ပါ။] ကောင်းကင်တမန်တွေက တန်ခိုးကြီးကြတယ်။ ဒါပေမဲ့ ကျွန်တော်တို့ကို ကူညီပေးပါ့မလား။ ဒီနေ့အချိန်မှာ ကောင်းကင်တမန်တွေက လူသားတွေကို ဘယ်လိုကူညီပေးနေသလဲ ဆိုတဲ့အကြောင်းကို ကျမ်းစာမှာ ဖော်ပြထားတယ်။” စက်တင်ဘာ ၁ ကင်းမျှော်စင် ရဲ့နောက်ကျောဖုံးကို ပြပြီး ပထမမေးခွန်းအောက်က အကြောင်းအရာနဲ့ ညွှန်းထားတဲ့ကျမ်းချက် အနည်းဆုံးတစ်ချက်ကို ဖတ်ပြီး ဆွေးနွေးပါ။ မဂ္ဂဇင်းကို ဝေငှပြီး နောက်မေးခွန်းကိုဆွေးနွေးနိုင်အောင် ပြန်လည်ပတ်ဖို့ စီစဉ်ပါ။

ကင်းမျှော်စင် စက်တင်ဘာ ၁

“လူတွေက ကမ္ဘာမြေကြီးကို ပြင်လိုမရအောင် ဖျက်ဆီးနေတယ်လို့ မိတ်ဆွေထင်သလား။ [တုံ့ပြန်မှုကိုစောင့်ပါ။] လူသားတွေက သူတို့ဖျက်ဆီးထားတာတွေကို ပြင်နိုင်စွမ်းမရှိပေမဲ့ ဘုရားသခင်ကတော့ ပြုပြင်နိုင်တယ်၊ ပြုပြင်ဖို့လည်း ဆန္ဒရှိတယ်လို့ ကျမ်းစာမှာဖော်ပြထားတယ်။ ဒီအာမခံချက်ကို ဆာလံ ၆၅:၉ မှာ တွေ့ရပါတယ်။ [ဖတ်ပါ။] ဘုရားသခင်က ကမ္ဘာမြေကြီးကို ဘယ်လိုပြုပြင်မလဲ၊ ကမ္ဘာမြေကြီးကို ပြုပြင်တဲ့အခါ ကျွန်တော်တို့ ဘာကောင်းချီးတွေ ခံစားရမလဲဆိုတာကို ဒီကင်းမျှော်စင်မှာ ဆွေးနွေးထားပါတယ်။ မိတ်ဆွေအတွက် တစ်စောင်ပေးခဲ့မယ်နော်။”

နိုးလော့! စက်တင်ဘာ

အလုပ်ရှင်တချို့က အလုပ်များများလုပ်ခိုင်းတာကြောင့် လူအတော်များများဟာ ခြေကုန်လက်ပန်းကျနေကြတယ်။ အလုပ်ဝန်ပိတာက ခြေကုန်လက်ပန်းကျစေပြီး ကာယပိုင်းရော၊ စိတ်ပိုင်းကိုပါ ထိခိုက်စေတယ်လို့ ပညာရှင်တွေက ပြောတယ်။ လူတစ်ယောက်ဟာ ဘဝမှာ ဟန်ချက်ညီညီ လုပ်ဆောင်နိုင်ဖို့ ဘာလုပ်ရမယ်လို့ မိတ်ဆွေထင်သလဲ။ [တုံ့ပြန်မှုကိုစောင့်ပါ။] စဉ်းစားတွေးတောစေတဲ့ ကျမ်းချက်တစ်ချက်က ဒီလိုပြောပါတယ်။ [ဒေသနာ ၄:၆ ကိုဖတ်ပါ။] လုပ်ငန်းခွင်မှာ ခြေကုန်လက်ပန်းကျတာနဲ့ ကျွန်တော်တို့ရဲ့ ဦးစားထားရာတွေကို ပြုပြင်ချိန်ညှိနိုင်ဖို့ လက်တွေ့ကျတဲ့ အချက်လေးချက်ကို ဒီမဂ္ဂဇင်းမှာ ရှင်းပြထားတယ်။