အဖိနှိပ်ခံ အမျိုးသမီးတွေအတွက် အကူအညီ

“အမျိုးသမီးတွေရဲ့ လုံခြုံရေး—ကျမ်းစာရှုထောင့်” ဆိုတဲ့ jw.org မှာ တင်ထားတဲ့ ဆောင်းပါးမှာ အဲဒီလို နိဒါန်းပျိုးထားတယ်။ ဆောင်းပါးအဆုံးမှာ ပါတဲ့ လင့်ခ်ကနေ ဆောင်းပါးကို PDF ပုံစံနဲ့ ကူးယူ၊ ပရင့်ထုတ်ပြီး စာမျက်နှာ လေးမျက်နှာပါ ဝေစာအဖြစ် ခေါက်လိုက်ပါ။ “ကျွန်မ ပရင့်အများကြီး ထုတ်လိုက်တယ်။ ပြီးတော့ ညီအစ်မတစ်ယောက်နဲ့အတူ အသင်းတော်ရပ်ကွက်ထဲက အမျိုးသမီးစောင့်ရှောက်ရေးဂေဟာကို သွားတယ်” လို့ အမေရိကန်ပြည်ထောင်စုမှာ နေတဲ့ ညီအစ်မ စတေစီ ပြောတယ်။

ဝန်ထမ်းအမျိုးသမီးက တခြားသူတွေကို ဝေပေးဖို့ ဝေစာတွေ ထပ်တောင်းတယ်။ ဒီလိုနဲ့ jw.org လိပ်စာကတ် ၃၀ နဲ့ ဝေစာ နောက်ထပ်စောင်ရေ ၄၀ ဝေလိုက်ရတယ်။ နောက်တစ်ကြိမ် သွားလည်တော့ ကျမ်းစာလေ့လာမှု ဘယ်လို လုပ်သလဲဆိုတာ ဂေဟာက အမျိုးသမီးတွေကို ပြပေးစေချင်တယ်လို့ ဂေဟာမှူး ပြောတယ်။

တခြားဂေဟာတစ်ခုကိုလည်း စတေစီနဲ့ ညီအစ်မ နောက်နှစ်ယောက် သွားတော့ ဝန်ထမ်းတွေက ဝေစာငါးစောင် လက်ခံပြီး ဝေစာတွေ ထပ်တောင်းကြတယ်။ “ဒီမှာနေတဲ့ အမျိုးသမီးတွေအတွက် ဒီဝေစာက အထောက်အကူ သိပ်ဖြစ်မှာ။ ကျွန်မတို့ လိုနေတာ ဒါပဲ” လို့ ဝန်ထမ်းတစ်ယောက် ပြောတယ်။ နောက်တစ်ကြိမ် သွားလည်တော့ ကျမ်းစာလေ့လာမှု ဘယ်လို လုပ်သလဲဆိုတာ သရုပ်ပြပေးတာကို ဂေဟာက အမျိုးသမီး အများကြီး လာကြည့်ကြတယ်။ နှစ်ယောက်က နောက်အပတ် ခန်းမမှာ အစည်းအဝေး လိုက်တက်ချင်တယ်လို့ ပြောကြတယ်။

“သိပ်ကောင်းတဲ့ ဒီဆောင်းပါး ဖတ်ရလို့ လူတွေ ဝမ်းသာအားရ ဖြစ်သွားကြပါလားဆိုပြီး ကျွန်မတို့ အံ့ဩရတယ်။ ဆောင်းပါးကို ပရင့်ထုတ်ပြီး ခေါက်လိုက်တဲ့အခါ အဖိနှိပ်ခံ အမျိုးသမီးတွေကို နိုင်ငံတော်သတင်း ဝေမျှရာမှာ သိပ်အသုံးတည့်တဲ့ ဝေစာ ဖြစ်လာတယ်။ ဝေစာကို လိုလိုလားလား လက်ခံကြလို့ ကျွန်မတို့ သိပ်စိတ်ထိမိတယ်။ အဖိနှိပ်ခံ အမျိုးသမီးတွေဆီ သတင်းကောင်း ရောက်ဖို့ ကျွန်မတို့ ဆက်ကြိုးစားတာကို ယေဟောဝါ ဘယ်လိုများ ကောင်းချီးပေးမလဲ သိချင်လှပါပြီ” လို့ စတေစီ ပြောတယ်။