ဘုရားသခင်နဲ့ ခရစ်တော်ကြောင့် ရရှိမယ့် အနာဂတ် လွတ်မြောက်မှု

တစ်နေ့တစ်နေ့ ဘာတွေနဲ့ ရုန်းကန်နေရသလဲ။ သင်ဟာ မိသားစုတာဝန် တစ်ပုံတစ်ပင် ထမ်းထားရတဲ့ အိမ်ထောင်ဦးစီးလား။ မိသားစုကို ထောက်ပံ့ဖို့ ရုန်းကန်နေရတဲ့ ကြင်ဖော်မဲ့ မိဘလား။ ရွယ်တူတွေရဲ့ အနိုင်ကျင့်မှုကို ခံနေရတဲ့ ကျောင်းသားလား။ ကျန်းမာရေး မကောင်းသူလား။ အိုမင်းမစွမ်းလား။ ယောက်တိုင်းမှာ အခက်အခဲ ကိုယ်စီ ရှိကြပါတယ်။ ခရစ်ယာန် အတော်များများဟာ တစ်ချိန်တည်းမှာ ပြဿနာများစွာကို ရင်ဆိုင်ဖြေရှင်းနေကြရတယ်။ ဒါပေမဲ့ မကြာခင် အဲဒီပြဿနာတွေကနေ လွတ်မြောက်တော့မယ်ဆိုတာ သိထားကြပါတယ်။—၂က ၄:၁၆-၁၈။

အဲဒီအချိန် မရောက်ခင် အခုအချိန်မှာတော့ ယေဟောဝါဟာ ကျွန်တော်တို့ ရုန်းကန်နေရတာကို နားလည်တယ်၊ ကျွန်တော်တို့ရဲ့ သစ္စာစောင့်သိမှု၊ ခံနိုင်ရည်ကို တန်ဖိုးထားတယ်၊ အနာဂတ်မှာ ကြွယ်ဝစွာ ကောင်းချီးပေးမယ် ဆိုတာ သိထားလို့ နှစ်သိမ့်မှု ရကြပါတယ်။ (ယေ ၂၉:၁၁၊ ၁၂) ယေရှုလည်း ကျွန်တော်တို့ တစ်ယောက်စီကို ဂရုစိုက်တယ်။ ခရစ်ယာန်တာဝန်တွေကို ကျေပွန်စွာ လုပ်ဆောင်နေသ၍ “ခင်ဗျားတို့နဲ့အတူ ကျွန်တော် အမြဲရှိနေမယ်” လို့ အာမခံထားတယ်။ (မ ၂၈:၂၀) ဘုရားနိုင်ငံတော်မှာ ခံစားရမယ့် အနာဂတ် လွတ်လပ်မှုအကြောင်း တွေးတောဆင်ခြင်တဲ့အခါ မျှော်လင့်ချက် ပိုခိုင်မာလာပြီး ကြုံနေရတဲ့ အခက်အခဲတွေကို ခံရပ်သွားဖို့ ခွန်အားရှိလာတယ်။—ရ ၈:၁၉-၂၁။

မုန်တိုင်းကြီး တိုက်ခတ်ချိန် နီးလာတာနဲ့အမျှ ယေရှုကို ဆက်အာရုံစိုက်နေပါ—အနာဂတ် နိုင်ငံတော် ကောင်းချီးများ ဗီဒီယို ကြည့်ပါ။ ပြီးနောက် အောက်ပါမေးခွန်းတွေ ဖြေပါ။

• လူတွေ ဘုရားနဲ့ ဘယ်လို ကင်းကွာသွားခဲ့ကြသလဲ။ ဘာရလဒ် ဖြစ်ပေါ်လာသလဲ။

• ယေဟောဝါအပေါ် သစ္စာရှိသူတွေအတွက် ဘယ်လို အနာဂတ် ရှိသလဲ။

• အလွန်ကောင်းမွန်တဲ့ အနာဂတ်ကို ဘယ်လိုနည်းနဲ့ ပိုင်ဆိုင်နိုင်သလဲ။

• ဘုရားကတိပြုထားတဲ့ ကမ္ဘာသစ်မှာ ဘယ်ကောင်းချီးတွေ ခံစားချင်သလဲ။