ခရစ်ယာန်အသက်တာလမ်းစဉ်
ဘာက ငါ့အတွက် အရေးကြီးဆုံးလဲ
ယေဟောဝါရဲ့ ကောင်းချီးရဖို့က ယာကုပ်အတွက် အလွန်အရေးကြီးတယ်။ ကောင်းချီးရဖို့ ကောင်းကင်တမန်နဲ့ နပန်းလုံးခဲ့တယ်။ (က ၃၂:၂၄-၃၁။ ဟော ၁၂:၃၊ ၄) ကျွန်တော်တို့ကော။ ယေဟောဝါစကား နားထောင်ပြီး ကောင်းချီးခံစားရဖို့ တလိုတလား ကြိုးစားအားထုတ်လိုစိတ် ရှိသလား။ ဥပမာ၊ အသင်းတော်အစည်းအဝေးတက်ဖို့နဲ့ လောကအလုပ်ကို နာရီအနည်းငယ် ပိုလုပ်ဖို့ ရွေးချယ်ရမယ်ဆိုရင် ဘာကို ရွေးချယ်မလဲ။ ယေဟောဝါကို ကျွန်တော်တို့ရဲ့ အချိန်၊ ခွန်အား၊ ပိုင်ဆိုင်ရာ အကောင်းဆုံးတွေကို ပေးမယ်ဆိုရင် “ကောင်းချီးတွေ လိုလေသေးမရှိ သွန်းလောင်း” ခံရမှာဖြစ်တယ်။ (မလ ၃:၁၀) ဘုရားက ကျွန်တော်တို့ကို လမ်းပြ ကာကွယ်မယ်။ လိုအပ်တာတွေ ထောက်ပံ့မှာဖြစ်တယ်။—မ ၆:၃၃။ ဟီ ၁၃:၅။
ဘုရားရေးရာပန်းတိုင်တွေကို စူးစိုက်နေပါ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–
ညီအစ်မဟာ သူမြတ်နိုးတဲ့အရာနဲ့ ဘယ်လို စမ်းသပ်ခံခဲ့ရသလဲ။
ကျွန်တော်တို့ရဲ့အလုပ်က ဘယ်လိုနည်းနဲ့ စမ်းသပ်မှု ဖြစ်နိုင်သလဲ။
တိမောသေဟာ ရင့်ကျက်တဲ့ခရစ်ယာန် ဖြစ်နေသည့်တိုင် ဘာကြောင့် ပန်းတိုင်တွေ ဆက်ချနေဖို့လိုသလဲ။—၁တိ ၄:၁၆
သင့်ဘဝမှာ ဘာက အရေးကြီးဆုံးလဲ
ဘယ်အရာက ကျွန်တော်တို့ရဲ့ “နံပါတ်တစ်” အလုပ် ဖြစ်တယ်ဆိုတာကို ဘယ်လို ပြနိုင်သလဲ။