မေတ္တာက ခရစ်ယာန်စစ်တွေကို ခွဲခြားဖော်ပြတယ်—တစ်ကိုယ်ကောင်းဆန်ခြင်းနဲ့ ဒေါသထွက်ခြင်းကို ရှောင်ပါ

ဘာကြောင့်အရေးကြီး– မေတ္တာက မိမိရဲ့တပည့်တွေကို ခွဲခြားဖော်ပြမယ့်အကြောင်း ယေရှု သင်ပေးခဲ့တယ်။ (ယဟ ၁၃:၃၄၊ ၃၅) ခရစ်ယာန်မေတ္တာ ပြဖို့ တခြားသူတွေရဲ့အကျိုးကို ရှာရမယ်၊ ဒေါသထွက်ခြင်းကို ရှောင်ရမယ်။—၁က ၁၃:၅။

လုပ်ဆောင်နိုင်ရာ–

• တစ်ယောက်ယောက်က သင့်ကို စိတ်ထိခိုက်အောင် ပြောမိ၊ လုပ်မိတယ်ဆိုရင် ပြဿနာရဲ့ အကြောင်းရင်းနဲ့ စိတ်လိုက်မာန်ပါ တုံ့ပြန်လိုက်ရင် ဖြစ်လာမယ့်အကျိုးဆက်ကို ခဏလေး စဉ်းစားကြည့်လိုက်ပါ။—ပ ၁၉:၁၁

• ကျွန်တော်တို့အားလုံး မစုံလင်ဘူးဆိုတာ သတိရပါ။ ကျွန်တော်တို့ အားလုံးဟာ နောက်မှ နောင်တရတဲ့အရာတွေကို ပြောမိ၊ လုပ်မိတဲ့အခါတွေ ရှိတယ်

• သဘောထားကွဲလွဲမှုတွေကို ချက်ချင်း ဖြေရှင်းပါ

“အချင်းချင်း ချစ်ကြပါ”—တစ်ကိုယ်ကောင်းဆန်ခြင်းနဲ့ ဒေါသထွက်ခြင်းကို ရှောင်ပါ ဗီဒီယိုကို ကြည့်ပြီး အောက်ပါမေးခွန်းတွေကို ဖြေပါ–

• တောမ်ပြောတာကို လယ်ရီ ဘယ်လို အလွန်အကျွံ တုံ့ပြန်ခဲ့သလဲ။

• အချိန်ခဏယူပြီး စဉ်းစားလိုက်တာက ဒေါသမထွက်မိဖို့ တောမ်ကို ဘယ်လို ကူညီပေးခဲ့သလဲ။

• တောမ်ရဲ့ အေးဆေးတည်ငြိမ်တဲ့ တုံ့ပြန်ပုံကြောင့် တင်းမာတဲ့အခြေအနေ ဘယ်လို ပြေလည်သွားသလဲ။