ဟောပြောခြင်းနဲ့ သွန်သင်ခြင်း—တပည့်ဖြစ်စေခြင်းလုပ်ငန်းအတွက် မရှိမဖြစ်

သွားပြီး တပည့်ဖြစ်စေဖို့ မိမိနောက်လိုက်တွေကို ယေရှု မိန့်မှာခဲ့တယ်။ (မ ၂၈:၁၉) ဒီမိန့်မှာချက်ထဲမှာ ဟောပြောခြင်းနဲ့ သွန်သင်ခြင်းလုပ်ငန်း ပါဝင်တယ်။ ‘တပည့်ဖြစ်စေခြင်းလုပ်ငန်းအတွက် မရှိမဖြစ်တဲ့ ဒီကဏ္ဍတွေမှာ ငါ ဘယ်လို တိုးတက်နိုင်သလဲ’ လို့ အခါအားလျော်စွာ ကိုယ့်ကိုယ်ကိုယ် မေးသင့်တယ်။

ဟောပြောခြင်း

လူတွေ ကိုယ့်ဆီလာတာကို စောင့်နေမယ့်အစား “ထိုက်တန်သူကို” တက်တက်ကြွကြွ ရှာဖွေရမယ်။ (မ ၁၀:၁၁) အမှုဆောင်လုပ်ငန်းမှာ ပါဝင်တဲ့အခါ “တွေ့ရတဲ့သူတွေနဲ့” စကားပြောနိုင်အောင် အခွင့်အရေးရှာဖို့ နိုးနိုးကြားကြား ရှိသလား။ (တ ၁၇:၁၇) တမန်တော်ပေါလု ဝီရိယရှိရှိ ဟောပြောခဲ့လို့ လုဒိ တပည့်ဖြစ်လာတယ်။—တ ၁၆:၁၃-၁၅။

“မပြတ်” ဆက်ဟောပြောနေပါ—အလွတ်သဘောနဲ့ တစ်အိမ်တက်ဆင်း ဆိုတဲ့ ဗီဒီယိုကို ကြည့်ပါ။ ပြီးနောက် အောက်ပါမေးခွန်းတွေကို ဖြေပါ–

• ဆမ်မြူအယ်ဟာ နေ့တိုင်း အမှန်တရားမျိုးစေ့ကြဲဖို့ တက်တက်ကြွကြွရှိကြောင်း ဘယ်လို တင်ပြသလဲ။

• ဟောပြောခြင်းနည်းလမ်းအားလုံးကို ဘာကြောင့် မဆုတ်မနစ် လုပ်ဆောင်ဖို့လိုသလဲ။

• နေ့တိုင်း သင် ဘယ်သူတွေကို နိုင်ငံတော်သတင်း ဟောပြောနိုင်သလဲ။

သွန်သင်ခြင်း

တပည့်ဖြစ်စေဖို့ဆိုရင် လူတွေဆီမှာ စာပေထားခဲ့ရုံထက်မက လုပ်ရမယ်။ ဘုရားရေးရာဘက်မှာ သူတို့ ဆက်တိုးတက်ဖို့ ကျွန်တော်တို့ ပြန်လည်ပတ်မှု၊ ကျမ်းစာသင်အံမှု လုပ်ဖို့လိုတယ်။ (၁က ၃:၆-၉) လူတွေကို နိုင်ငံတော်အမှန်တရား ကြိုးစားသင်ပေးပေမဲ့ ရလဒ်မကောင်းရင်ကော။ (မ ၁၃:၁၉-၂၂) “ကောင်းတဲ့မြေ” နဲ့တူတဲ့ စိတ်နှလုံးရှိသူတွေကို ဆက် ရှာဖွေသင့်တယ်။—မ ၁၃:၂၃။ တ ၁၃:၄၈။

“မပြတ်” ဆက်ဟောပြောနေပါ—လူထုရှေ့နဲ့ တပည့်ဖြစ်စေခြင်း ဆိုတဲ့ ဗီဒီယိုကို ကြည့်ပါ။ ပြီးနောက် အောက်ပါမေးခွန်းတွေကို ဖြေပါ–

• အီဇာကီယယ်နဲ့ အဘိဂဲရဲ့ စိတ်နှလုံးထဲက အမှန်တရားမျိုးစေ့ကို ဆော်လမွန်နဲ့ မေရီ ဘယ်လို ရေလောင်းပေးခဲ့သလဲ။

• လူထုရှေ့သက်သေခံခြင်း အပါအဝင် အမှုဆောင်လုပ်ငန်းရဲ့ အသွင်အပြင်အားလုံးမှာ ပါဝင်တဲ့ ရည်ရွယ်ချက်က ဘာဖြစ်သင့်သလဲ။

• တခြားသူတွေကို အမှန်တရား သင်ပေးခြင်းကို ဘယ်လို ပိုပြီး အလေးပေးနိုင်သလဲ။