ကြေညာချက်များ
◼ အောက်တိုဘာ တွင်ဝေငှရန်စာပေ– ကင်းမျှော်စင်နှင့် နိုးလော့! နှစ်မျိုးစလုံးကို ဝေငှပါ။ စိတ်ဝင်စားမှုတင်ပြပါက ကျမ်းစာသင်အံမှုစတင်ဖို့ ရည်ရွယ်ချက်ဖြင့် သမ္မာကျမ်းစာအကြောင်း သင်ပိုမိုသိလိုပါသလော ဝေစာကို ပေးကာ ဆွေးနွေးပါ။ နိုဝင်ဘာ နှင့်ဒီဇင်ဘာ– အသက်ရှင်ခဲ့သမျှတွင် အကြီးမြတ်ဆုံးလူသား။ နောက်ဝေငှမှုတစ်မျိုးအနေနှင့်၊ မိသားစုပျော်ရွှင်မှု၏ လျှို့ဝှက်ချက်စာအုပ်ကို ဝေငှနိုင်သည်။ ဇန်နဝါရီ– ၁၉၉၁ ခုနှစ်မတိုင်မီက ထုတ်ဝေခဲ့သော ၁၉၂ မျက်နှာရှိ မည်သည့်စာအုပ်ကိုမဆို ဝေငှနိုင်သည်။ ထိုစာအုပ်များမရှိသော အသင်းတော်များသည် အသိပညာစာအုပ် (ရနိုင်မည်ဆိုလျှင်) သို့မဟုတ် စောင့်နေကြလော့! ဘရိုရှာကို ဝေငှနိုင်သည်။
◼ ဒီဇင်ဘာလတွင် စနေ၊ တနင်္ဂနွေငါးကြိမ်ရှိသောကြောင့် အရန်ရှေ့ဆောင်ရန် အလွန်ကောင်းသောလဖြစ်သည်။
◼ ဤလထုတ် ကျွန်ုပ်တို့၏နိုင်ငံတော်ဓမ္မအမှုစာရွက်ပါ ကြားညှပ်သည် “၂၀၀၈ ခုနှစ်အတွက် သီအိုကရက်တစ် ဓမ္မအမှုကျောင်းအစီအစဉ်” ဖြစ်ပြီး ၂၀၀၈ ခုနှစ်တစ်လျှောက်လုံး ရည်ညွှန်းရန်အတွက် သိမ်းထားသင့်သည်။
◼ လုပ်ငန်းတော်စည်းဝေးတွင် နောက်ဆုံးအပိုင်းကို တင်ဆက်သောညီအစ်ကိုသည် အပိတ်သီချင်းကို ပြောသင့်ကြောင်း ကျေးဇူးပြု၍မှတ်သားပါ။ ထို့နောက် သူ သို့မဟုတ် ကြိုတင်တာဝန်ပေးထားသော အခြားအရည်အချင်းရှိညီအစ်ကိုတစ်ဦးက နိဂုံးချုပ်ဆုတောင်းပါလိမ့်မည်။
◼ ၂၀၀၇ ခုနှစ်အတွက် ခရိုင်စည်းဝေးကြီးရင်ထိုးကတ်ပြားများသည် အသင်းတော်စာအုပ်စာတမ်း ပေးပို့မှုများနှင့်အတူ အလိုအလျောက်ပါဝင်သွားပါလိမ့်မည်။ ယင်းတို့ကို တောင်းဆိုရန် မလိုပါ။ အသင်းတော်သည် နောက်ထပ်ရင်ထိုးကတ်ပြားများလိုအပ်ပါက ယင်းတို့ကို စာအုပ်စာတမ်းတောင်းခံလွှာပုံစံ (S-14) ဖြင့် တောင်းဆိုသင့်သည်။ ရင်ထိုးကတ်ထည့်သည့်ပလပ်စတစ် ရလိုသောအသင်းတော်ရှိမည်သူမဆိုအတွက် ယင်းတို့ကို တောင်းခံရမည်ဖြစ်သည်။