“ယေဟောဝါ၏ ဝိညာဉ်တော် ဦးဆောင် နေသော ဘုရင်မှတစ်ဆင့် ကောင်းချီးများ ခံစားပါလေ”

◼ “မိမိအကျိုးပျက်အောင် တစ်ယောက်ကိုတစ်ယောက် အုပ်စိုး” ကြ၏။ သမ္မာကျမ်းစာ၏ ဒေ. ၈:၉ တွင် လူ့အုပ်ချုပ်မှုသမိုင်းကို အထက်ပါအတိုင်း သင့်လျော်စွာ ဖော်ပြထား၏။ ပိုမိုကောင်းမွန်အောင် ကျွန်ုပ်တို့ လုပ်ဆောင်နိုင်ပါသလော။ သို့မဟုတ် အနာဂတ်တွင်လည်း ဤအတိုင်းပင် ဖြစ်နေဦးမည်လော။ ဤမေးခွန်းများ၏အဖြေကို ၂၀၀၈/၂၀၀၉ ခုနှစ်တွင်ကျင်းပမည့် “ဘုရားသခင့်ဝိညာဉ်တော် ဦးဆောင်လမ်းပြမှု” ဟူသော ယေဟောဝါသက်သေများ၏ ခရိုင်စည်းဝေးကြီးများတွင်ဟောပြောမည့် လူထုဟောပြောချက်၌ ဆွေးနွေးသွားပါမည်။ “ယေဟောဝါ၏ဝိညာဉ်တော် ဦးဆောင်နေသော ဘုရင်မှတစ်ဆင့် ကောင်းချီးများ ခံစားပါလေ” ခေါင်းစဉ်ရှိ ဟောပြောချက်က ကျွန်ုပ်တို့အကျိုးအတွက် အသက်စွန့်ခဲ့သော ယေရှုခရစ်သည် စစ်မှန်သောတရားမျှတမှုနှင့် မေတ္တာဖြင့် အုပ်စိုးသွားမည့်ပုဂ္ဂိုလ်ဖြစ်ကြောင်း အာရုံစိုက်ဆွေးနွေးသွားပါမည်။—မဿဲ ၂၀:၂၈။

အဘယ်အရာက ယေရှုအား အခြားအုပ်စိုးရှင်အားလုံးနှင့် ခြားနားစေသနည်း။ ဘုရားသခင့်ပရောဖက်ဟေရှာယက ဤသို့အဖြေပေးသည်– ‘ယေဟောဝါဘုရားသခင်၏ ဝိညာဉ်တော်တည်းဟူသော ဉာဏ်ပညာကိုပေးသောဝိညာဉ်၊ ကြံစည်တတ်စွမ်းနိုင်သော သတ္တိကိုပေးသောဝိညာဉ်၊ ထာဝရဘုရားသခင်ကိုသိ၍ ကြောက်ရွံ့သောသဘောကိုပေးသော ဝိညာဉ်တော်သည် ထိုသူအပေါ်မှာ ကျိန်းဝပ်တော်မူလိမ့်မည်။ ထိုသူသည် ထာဝရဘုရားသခင်ကိုကြောက်ရွံ့ခြင်း၌ မွေ့လျော်သည်ဖြစ်၍ မိမိမျက်စိမြင်သည်အတိုင်း တရားမစီရင်၊ မိမိနားကြားသည်အတိုင်း မဆုံးဖြတ်ဘဲ ဆင်းရဲသားတို့၏အမှုကို တရားတော်အတိုင်းစီရင်၍ နှိမ့်ချသောမြေကြီးသားတို့ဘက်၌နေလျက် ဖြောင့်မတ်စွာဆုံးဖြတ်လိမ့်မည်။’—ဟေရှာယ ၁၁:၂-၄။

ဤဖော်ပြချက်ကို သင်နှစ်သက်ပါသလော။ နှစ်သက်သည်ဆိုလျှင် ဤလမှစ၍ ကမ္ဘာတစ်ဝန်းလုံးတွင် ကျင်းပသွားမည့် ရာနှင့်ချီသော ခရိုင်စည်းဝေးကြီးများအနက် စည်းဝေးကြီးတစ်ခု၌ တင်ဆက်သွားမည့် လူထုဟောပြောချက်ကို တက်ရောက်နားထောင်ရန် သင့်အား ဖိတ်ကြားပါသည်။ သင်နှင့်အနီးဆုံး တည်နေရာကို သိရှိရန် သင့်ဒေသရှိ ယေဟောဝါသက်သေများနှင့် ဆက်သွယ်ပါ သို့မဟုတ် ဤမဂ္ဂဇင်း၏ စာမျက်နှာ ၅ တွင်ဖော်ပြထားသော ထုတ်ဝေသူများ၏လိပ်စာတစ်ခုသို့ စာရေးပါ။ ကျွန်ုပ်တို့၏တွဲဖက်မဂ္ဂဇင်းဖြစ်သော ကင်းမျှော်စင် မတ် ၁၊ ၂၀၀၈ တွင် မြန်မာနိုင်ငံ၌ကျင်းပမည့် စည်းဝေးကြီးလိပ်စာများကို ဖော်ပြထားပါသည်။