¿Ndáaña keʼé Reino Ndióxi̱?

Ña̱ káʼa̱n Biblia xa̱ʼa̱ ña̱yóʼo

Reino Ndióxi̱ sandíʼi-xa̱ʼa̱ña ndiʼi na̱ chíñu na̱ íyo nu̱ú ñuʼú yóʼo ta iinlá miíña kaʼndachíñu (Daniel 2:44; Apocalipsis 16:14). Tá ná kaʼndachíñu Reino Ndióxi̱, ña̱yóʼo kúú ña̱ kuu:

• Sandíʼi-xa̱ʼa̱ña ndiʼi na̱ kéʼé ña̱ va̱ása va̱ʼa. “Ndióxi̱ sandíʼi-xa̱ʼa̱ra na̱ ndi̱va̱ʼa-ini” (Proverbios 2:22).

• Kǒoka ku̱a̱chi koo. Ndióxi̱ “sándiʼi-xa̱ʼa̱ra ku̱a̱chi iníísaá nu̱ú ñuʼú yóʼo” (Salmo 46:9).

• Ku̱a̱ʼání ña̱ʼa koo ta va̱ása yi̱ʼvíka na̱ yiví. “Iin tá iinna kundoona xa̱ʼa̱ tú uvana saátu xa̱ʼa̱ tú higona, ta nda̱a̱ ni iinna kǒo sayíʼvi-ñaʼá” (Miqueas 4:4).

• Liviní koo nu̱ú ñuʼú yóʼo. “Kusi̱íní-inina nu̱ú ñuʼú yi̱chí, kusi̱íní-inina nu̱ú yoso̱ yi̱chí, kusi̱íní-ini yoso̱ yi̱chí ta xaaña nda̱a̱ táki̱ʼva xáa azafrán” (Isaías 35:1).

• Ndiʼiyó kusi̱í-iniyó xíʼin chiñu ña̱ kuumiíyó. “Kusi̱íní-ini na̱ nda̱kaxii̱n tá ná keʼéna chiñuna” (Isaías 65:21-23).

• Va̱ása kooka kue̱ʼe̱. “Nda̱a̱ ni iin na̱ yiví va̱ása ka̱ʼa̱nna ña̱yóʼo: ‘Ndeé ndóʼi̱’” (Isaías 33:24).

• Va̱ása kuchéekayó. “Ná nduyúta̱ka ku̱ñuna nda̱a̱ táki̱ʼva ni̱xi̱yoña tá válína; ná kuumií tukuna ndee̱na nda̱a̱ táki̱ʼva ni̱xi̱yona tá válína” (Job 33:25).

• Ndataku na̱ ni̱xi̱ʼi̱. “Ndiʼi na̱ ni̱xi̱ʼi̱ na̱ ñúʼu ti̱xin ya̱vi̱ kuniso̱ʼona tu̱ʼunra [tu̱ʼun ta̱ Jesús] ta keena” (Juan 5:28, 29).